Viva San Juan Magbubunyag… Viva!

Daghang ang nitambang sa Santos nga Misa sa Ika-48 anyos nga Kapistahan ni San Juan Magbubunyag, sa San Juan Village, Bangkal, Davao City. Kini gipanguluhan sa bag-ong Kura Paroko na si Reb. Pad. Leonie “Toto” España, DCD sa kapilya sa GKK San Juan Magbubunyag tong petsa-24 sa Hunyo.

Paspas ang dagan sa panahon kondiin ang 48 gilatas ang 48 anyos. Tataw pa sa mahinumduman ni Franco Altizo, usa ka Pangulo sa Liturhiya o PSL sa San Juan Magbubunyag kung kanus-a kini nagsugod didto sa Bolton Isla. Sumala pa nga gipadamgo si Nicolas B. Magdaherin ni San Juan Magbubunyag tungod kay kasamtangang wala pay patron ang gitukod nga kapilya. Dali dali nga nipalit ug imahe ni San Juan Magbubunyag human niya kini gipahibalo sa katilingban ang unod sa iyahang nadamguhan.

Sumala pa nga ginaprocesyon ang maong imahe ni San Juan Magbubunyag tung naa pa sila sa Bolton Isla matag ginasaulog ang adlaw sa kapistahan sa maong patron. Ginapalibot nila kini sa Davao River sakay sa bangka padulong sa karon nga Sta. Ana Wharf.

Girelocate sila sa Bangkal tong tuig 1970 ug gidala nila ang imahe ni San Juan Magbubunyag ug ilaha nang nasabutan nga ingalan sa maong Santos ang lugar kun asa sila ibalhin. Busa ilang ginganlan kinig San Juan Magbubunyag. Gawas pa nga milagroso ang maong patron kon diin gipaagi niya ang iyang hangyo sa pagpadamgo.

Mahinumduman pa sa usa sa anak ni Juanito Sitjar nga si Allan Sitjar kondiin gisaulog ang permirong misa sa dihang nibalhin na sila sa San Juan Village. Kini nahitabo kung asa ginapatukod pa ang kasamtangang kapilya ni San Juan Magbubunyag.

Nakita ni Tatang Lubao nga tua didto sa Kapilya ang imahe ni San Juan Magbubunyag. Nga ang kamatuuran gibilin kini sa balay ni Franco Altizo. Kini nahitabo sa dihang ginapanday pa ang kapilya. Daghan silang natingala nganong nipaigo ang maong imahe sa butangan niini.

Napaundang ang pagprocesyon sa imahe sa sapa sa kapanahunan sa kapistahan sa patron. Apan ang pagprocesyon niini sa mala ginapadayon gihapon.

Nahinumduman pa ni Franco Altizo kundiin gipadamgo ni San Juan Magbubunyag si Eduardo Garcia sa dihang nagataas na ang tubig sa pipilang parte sa San Juan Village. Nipadayag si San Juan nga ipabalik niya ang pagprocesyon sa iyang imahe sa sapa sa kada kapistahan.

Wala sila magduhaduha sa pagbalik, nan nihunong ang pagtaas sa tubig, saysay ni Franco Altizo.

Tuod nga wala na ginaprocesyon ang imahe ni San Juan Magbubunyag sa sapa, apan ginaprocesyon gihapon kini sa mala. Kini usa sa pamaagi sa pagpasalamat sa mga deboto ni San Juan Magbubunyag kada kapistahan ni San Juan Magbubunyag.