Search for Perfect Attendance Challenge sa MOPH gikauyonan

Human gisugyot ni Inday Amoylin, PSK Coordinator sa Zone 1, nasabutan atol sa meeting sa mga Pangulo sa Katilingban (PSK) ug SocCom niadtong July 1, 2018 ang search for Perfect Attendance Challenge alang sa pito (7) ka sona nga sakop sa parokya.

Tuyo niini ang paglig-on ug paghatag sa kamahinungdanon ug kahihusa sa mga kaubang GKK sa sona nga motambong gayud regularly sa matag bulan nga meeting aron mahibaloan dayon ug aduna bay mga problema nga nagkinahanglan ug tabang o attention.

Hagit kini alang sa mga daghang sakop nga GKK sa sona kay nagpasabot kini nga angayang makanunayon gyud ang pagpahinumdom aron maperfect ang ilang attendance.

Nalipay ang mga taga zone 6 nga maoy una nga nakaperfect attendance, napulo (10) tanan ang present tungod kay lima (5) man sila ka GKK. Effective man dayon ang contest sa July hangtod sa Disyembre 2018.

Tungod usab sa maong challenge makapaningkamot ang ubang GKK nga wala na sad mga SocCom nga maghimog election aron makompleto ang ilang line-up sa sona.

Mga in kinds ang prizes nga ihatag sa top three (3) zones isip pahalipay sa ilang unity in attending meetings. Ang costs sa prize kuhaon gikan sa pundo sa PSK/SocCom sa monthly contribution nga tag baynte (P20.00) kada meeting. Ang awarding iatol sa Christmas Party sa mga GKK Servant Leaders (GSL). (Marieta Comighud)