Problema sa kinaiyahan, gisolusyonan

Gipaningkamotan karon sa Diocese sa Digos nga tubagon ang mga suliran nga gisagubang sa kinaiyahan ingon man sa naga bag-ong panahon. Ilabi na nga dili ika limod nga ang kalibutan, particularmente ang nasod Pilipinas, nakasinati sa grabeng Global Warming, butang nga adunay mga prokyekto ang Diocese, pinaagi sa Diocesan Social Action Center kon DSAC nga mao ang nagpahigayon sa programang Eco Bricks ug Solar Lamp Light Assemblying.

Sumala ni Rev. Antony Dy, sa Diocesan Social Action Center nga gihimo ang programang Eco Bricks aron mapuslan pa ang mga ginamit nga mga cellophane, mas maayo kining tigumon, ug gunting guntingon, ug ibutang sa usa ka 8oz kon 12oz nga plastic bottle, kaysa magpataka ug labay sa maong cellophane nga possible nga mo sangpot sa pagbaha, ilabi na kung anaa kini ibutang sa kanal. Bawal sab magsunog sa maong matang sa cellophane tungod kay maka apekto kini sa Ozone Layer nga pagsangpot sa gina-atubang nga Global Warming.

Dugang pagpasabot sa maong Deyakono, nga ang usa ka sako nga plastic cellophane kaya kining isulod sa 8oz nga plastic bottle.

ang mga plastic bottle nga adunay mga sulod nga cellophane, pwede kining himoon nga usa ka lamesa, Flower Base, lingkoranan ug uban pang butang nga mapahimuslan. Dakong tabang dili lang sa paghimo ug butang nga kapahimuslan sa adlaw adlaw nga gimbuluhaton apan lakip na sa pagkunhud sa basura nga makadaot diha sa kinaiyahan.

Samtang dugang proyekto karon sa DSAC mao kining ginatawag nga Solar Light Lamp Assemblying sumala ni Rev. Dy nga ang maong proyekto, maka hatag na sa kahayag sa kagabhion nga wala na nanginahanglan ug kuryente, ilabi na nga atomatiko kini nga mo charge pinaagi sa sidlak sa adlaw, dako kining tabang sa pag kunhud sa bayranan sa kuryente diha sa panimalay, ug ngadtu pag hatag ug kahayag sa mga kumunidad nga nahisakupan sa parokya ilalom sa pag dumala sa diocese sa digos nga wala pa maabti sa pag konekta sa kuryente.

Dugang ni Rev. Dy nga ang usa ka Solar Lamp nagkantidad sa 300 pesos, ug dili kini dali nga maguba, tungod sa maayo nga kalidad.

Samtang nahibaloan nga ang mga naasuy Proyekto pwede makat-onan kung unsaon kini pag buhat, tungod ang mga ginsakupan sa DSAC mohatag ug libre nga seminar, ilabina diha sa matag parokya.