Paghuna-huna sa uban!

Ika-17 Dominggo sa Ordinaryong Panahon
2 Kgs 4:42-44 / Eph 4:1-6 / Jn 6:1-15

Paghuna-huna sa uban… makahimo sa ubang kinabuhi nga masayon ug maga-an, ug dakong milagro sa uban.

Si Kristo, sa pagkakita niya sa daghan mga tawo, naghuna-huna siya sailang kahimtang nga gigutum gikan sa pagpanaw ug nalooy siya kanila.

Sa susamang paagi, dunay bata nga nagdala ogl lima kabuok pan ug duha ka isda mihalad saiyang dala aron ang uban bisan pipila lang makakaun.

Ug gikan kang Kristo nga nagtan aw sa kahimtang sa mga tawo ug nalu-oy, ang maong bata usab nadasig sa paghalad saiyang pan ug isda kay basin man lang makatabang sa uban. Tu-od gayud wala masayop sa paghunahuna ang bata kay kini ang nahimong instrumento sa dakong milagro nga nakapasayun ug naka gaan sa kinabuhi sa uban, ilabina sa mga gigutum ug mga walang-wala.

Sa laing bahin, ang reaksyon sa usa sa mga apostoles nga dili paigo ang 200 kaadlaw nga sweldo para ipalit og makaun alang sa bagang katawhan, kini naghulagway sa kasamtangang kahimtang sa daghan nato karon; nga daghan tag “concerns”, mga kabalaka, ug mga panginahangan usab. Kini normal nga mga pagbati ug kasinatian. Apan mahimong posibilidad nga makababag sa atong paghuna huna sa uban. Makalimot kita nga mas kuyaw ug dagko pa ang concerns, ug kabalaka sa uban. Dili kita makakita nga mas hadlok pa ang pagpuyo sa ubbang pamilya nga naa ra sa ilalum sa tulay. Ug mas discomfort pa ang pagtulog sa mga tao nga naa ra sa daplin sa kalsada mangatulog labi na kun moulan.

Ang hiyas sa paghunahuna sa uban, sama sa hiyas ni Kristo ug sa kadasig sa bata sa pagbuhat usab sama sa gipakita nilga paghunahuna ni Kristo, mamahimong makapasayun ug makagaan sa kinabuhi sa uban.

Sa panahon nga maghuna huna kita nga dili nato angkunon ang bag nga nahibilin sa neep o sa simbahan kay sigurado tang dakong kabalaka kini sa nawad-an… maghimong mapasalamaton sa tawo nga nawad an.

Sa panahon nga maghuna huna kita sa mga kabataannga maghilak ug masakitan kun ipadayun ang desisyon nga magbulag maghimong secure sa kaugmaon sa mga bata.

Sa panahon nga maghuna huna kita sa grabi nga sakripisyo sa trabaho sa atong ginikanan alang lamang sa kaugmaun ug maka eskwela mamahimong dakong kalipay nila luyo sa kapait..

Paghuna-huna sa uban! (Fr. Elvie R. Bordios)