Ika-53 nga kapistahan ni Saint Benedict gisaulog

Malampusong gisaulog sa Benedictine Sisters ang kapistahan ni Saint Benedict, niadtong milabayng Miyerkules July 11, inubanan sa ilang mga benefactors ug lay partners.

Ang maong kapistahan naka sentro sa ilang tema nga “Love and Service”, sumala pa kang Sister Mary Bede Medina, kini ang namahimong tema sa maong kapistahan mahitungod kay ang Gugma ug Serbisyo ang tunhay nga mensahe sa kahiusahan ug kalinaw.

Ang maong kapistahan gisugdan sa usa ka misa nga gipangunahan ni Father Marvin Morales, buot nga ipa-abot ni Father Marvin atol sa gipahigayong kapistahan mao ang kalinaw, panaghiusa, gugma sa Ginoo, serbisyo ug gugma sa atong isig kaingon.

Dugang pa ni Father Marvin “if you really want to live in peace, start from yourself, peace from the heart and peace in the mind, peace in Christ, then flow it out wherever you are with Peace”. Atol sa iyang homily gisaysay usab niya ang iyang pagbisita sa Soviaco, ang lugar kung dis-a nagtago ug namahimong ermitanyo si Saint Benedict sulod sa pipila ka tuig.

Sumala usab, kang sister Marybede, malipayon ug madasigon kaayo sila nga ming welcome sa ilang mga bisita nga nakig celebrar usab kanila sa ilang gipahigayong kapistahan.

Atol usab sa kapistahan mao ang ilang mga nagkandalain laing aktibidades, sama na lamang sa ilang gipahigayong mga trivia games ug sports games, isip usa ka kalingawan sa kapistahan.

Sumala ni sister May Bede, “Ora et labora”, prayer and work, kini ang iyang mensahe, sa mga katawahan subay sa maong kapistahan, mahitungod kay mao usab kini ang buot nga ipaabot ni Saint Benedict, tungod kay ang kalinaw ug panaghiusa makab-ot kung mag-inampuon kita. (Melvic Villamor)