Bag-ong Kura Paroko sa St. John the Baptist Parish gipa-ila na sa katawhan

Hingpit na nga giila isip bag-ong Kura Paroko si Rev. Fr. Jovelo Bongay sa Saint John the Baptist Parish nga nahimutang sa Lasang ning syudad sa Davao.

Niadtong Sabado, Hunyo 24, 2018 atol sa ika-53 nga kapistahan sa maong parokya, gipahigayon ang installation ni Fr. Jovelo Bongay nga gipangulohan ni Catholic Bishops Conference of the Philippines President Davao Archbishop Romulo Valles.

Samtang gipaila-ila sab sa katawhan ang kaabag ni Fr. Bongay sa maong Parokya, diha sa pagserbisyo mao si Fr. Jun Acedo, Jr. ug ang gihulipan ni Fr. Bongay nga si Fr. Pong Cubero, apan aduna pa kini laing tahas si Fr. Cubero mao ang pag-andam sa padayung gimugna nga Christ the King Quasi Parish nga nahimutang sa Barangay Kauswagan, Panabo City, Davao del Norte.

Sumala sa nakaylap nga impormasyon nga mao kini ang ika-39 nga parokya ilalom sa pagdumala sa Archdiocese sa Davao.

Sumala ni Archbishop Romulo Valles nga sa dili madugay hingpit na kini nga edeklara nga Parokya, apan wala pa sab gikabutyag sa Arsobispo kung kanus-a ang gikatakdang adlaw.

Samtang kabahin sa kapistahan sa Saint John the Baptist Parish, 21 ka mga kabataan ang midawat sa sacramento sa bunyag.