Zone 6 meeting and election of Zonal Coordinators

Nagmeeting for the first time niadtong June 3, 2018 sa alas siyete (7:00) sa gabii ang Zone 6 kauban na ang duha (2) ka GKK nga nahibilin sa nabalhing GKK ngadto sa La Verna Parish ang GKK Roseville nga dati kauban sa Zone 7. Si Fe Jayectin PSK sa GKK NHA maoy facilitator.

Sa pagkakaron ang Zone 6 gilangkuban na sa lima (5) ka GKK: GKK Fatima, Mahayag, San Vicente ug ang duhang bag-o sa sona ang GKK Sta. Cruz sa NHA, ug San Antonio Buhangin.

Daghan ang nanambong sa maong meeting nga gi-held sa NHA Chapel. Mga activities ug schedules sa parokya ang mga agenda pero ang pinaka-highlight mao ang pagpili ug program coordinators.

Nidaog sa padaghanay ug niboto si Leo Ocot PSK sa GKK Mahayag isip PSK Coordinator, sa SocCom Coordinator mao si Bebing sa San Vicente, Lorna Diego sa NHA ang PSP Coordinator, Socorro Jean Sigasig sa Mahayag ang PSA Coordinator, Mr. & Mrs. Donato sa Fatima ang PSKB Coordinator.

Walay napili pa nga coordinator ang grupo sa Finance, PSL ug PSB kay dili majority ang present pero nasabutan nga sa ilang schedule nga meeting ilang pilion ang ilang coordinator ug inform lang ang sona aron sa pag-update sa listahan niini.

Gipahibalo usab sa mga nanambong nga si Neneng Bonsubre PSK sa Fatima ug si Marieta Comighud SocCom sa GKK Sta. Cruz NHA dili apil sa pilian tungod kay mga parish coordinators na sila.

Human sa panagsabot bahin sa mga panginahanglan nga suporta sa mga batan-on nga adunay “Youth Day” sa June 9 sugod sa alas 12:00 sa udto hangtud sa alas 9:00 sa gabii, ug sa pag-agree sa mga naka-assign nga tasking para sa ika 46th Fiesta Novena ug Fiesta Mass sa parokya sa Our Mother of Perpetual Help Bajada, gitapos ang maong meeting ug pag-ampo nga gihatag ni Lorna Diego sa oras nga alas 9:35 sa gabii. Meryenda sa gabii dayon ang nisunod nga gihimo. (M. Comighud)