“The Body of Christ”

CBCP President ug kasamtangan Arsobispo sa Arkediyosesis sa Davao Arsobispo Romulo G. Valles, D.D. ang nangulo sa Santos nga Misa sa “1st Extraordinary Ministers of Holy Communion Convention” sa Dennis A. Uy-SFX ReMaSe Gym, Catalunan Grande, Davao City niadtong June 2, 2018 sa alas 8 hangtod alas 3 sa hapon. Ang tema sa maong convention mao ang “The Body of Christ.” Ginatawag siya nga Arsobispo Muloy sa katawhan.

Kon diin gihatagan ug duot sa maong Arsobispo ang kahalangdon sa Lawas ni Kristo. Sumala pa niya nga, “Ang simbahan kanunay nga magkanunayon.” Kon hain ang Ginoo mao ang nagpili sa matag-usa sa mga Extraordinary Ministers of Holy Communion o EMHC. Apan adunay sakit nga kamatuuran. Kon diin mamahimo kitang hambugero sa atubangan sa katawhan (apil na ang kaparian ug mga Obispo niini) matod pa ni Arsobispo Muloy.

Gihimong example sa Arsobispo ang iyang nasinati sa dihang gipahibalo siya nga siya ang gipili nga mamahimong sunod nga arsobispo sa Arkidiosesis sa Davao. Gibati niya ang kadasig sa pagbalik sa iyang gigikanan nga lugar. Nan kon aduna pay uban dili unta siya ang pilion.

Nan, usa kini ka kamatuuran kon asa adunay nakita ang Diyos kanato maong kita ang Iyang gipili nga sumusunod nga usa ka EMHC. Mapasalamaton ang kaparian sa gigahin nga oras, kahago ug panahon sa matag-EMHC isip mga volunteer.

Mando pa ni Arsobispo Muloy, “Let us take this as an occasion of Grace from the Lord.” Ang pagka-EMHC ang mga frontliner sa mga tumutuong Katolikong Kristiyano nga andam nga mugahin sa ilang oras, panahon ug kahago sa paghatag sa Lawas ni Kristo sa tumatambong sa Santos nga Misa. Ilaha pang ginagahin ang ilang panahon sa pagpakalawat sa mga masakiton sa ilang comunidad. Dili gayod sayon ang gigahin sa mga EMHC sa simbahan. Kini mao ang kinailadman sa rason maong walay hunong nga nagapasalamat ang Arsobispo ug mga kaparian sa matag-EMHC.

Sumala pa ni Reb. Pad. Rick James Dumangan, SDV; nga angay gayud magpasalamat ang matag-EMHC labi na kada human sa Santos nga Misa. Kay kini nagasunod sa pasabot sa Eucharistiya kon diin gikan kini sa pulong nga Greyego nga nagpasabot nga pagpasalamat.

Sumala pa ni Arsobispo Muloy nga, “The Body of Christ is the ever abiding presence of Jesus Christ.” Pagkaanindot sa atong simbahan, pagkaanindot sa atong Eucharistiya, mando pa sa Arsobispo.

Ang Ginoo ang nagtawag sa matag-EMHC pinaagi sa pagpadala sa ilang obispo sa matag diocesis ug dili kini ordinaryong tawag, apan kini usa katawag nga gakinahanglan ug matuod ug tinud-anay nga pagtubag gikan sa kinailadman sa kasingkasing, aron ang matag panahon nga ang matag-usa ka EMHC, garbusong muatubang sa pagserbi sa katawhan sa Diyos labi na sa matag panahon sa Santos nga Misa. Maong kining nahimo kitang angayan. Kini ang rason nganong giingon ni Arsobispo Muloy nga ang atong simbahan kanunay nga magpakanuyon.