Lord, it is good to give thanks to you! OMPH 46th Parochial Fiesta

“Lord, it is good to give thanks to you!” Responsorial Psalm kini sa ika 11th Sunday in Ordinary Time og ika 46th nga kapistahan sa Our Mother Of Perpetual Help Parish (OMPH) Redemptorist, sa Bajada, Davao City. Apil usab sa special nga gisaulog ang “Father’s Day” sa adlaw sa kapistahan sa Inahan sa Kanunay’ng Panabang.

Daghan ang miabot sa Fiesta Program apan mas daghan pa gyud ang nanambong sa Fiesta Mass nga nagsugod sa alas 6:00 sa buntag, dayon sa alas 7:30, alas 9:00, ug ang highlight ang “Pontifical Mass uban ang atong palanggang Arsobispo sa Davao Most Reverend Romulo G. Valles, D.D. Kauban ang mga Redemptorist priest, mga katawhan nga sakop sa parokya, ug mga bisita nga taga laing parokya, naminaw kami sa mga pamalandong ni Bishop Valles alang sa maong kasaulogan. Matod pa niya “Kung kuhaon sa picture ang batang Hesus, kita o ang katawhan unta karon ang iyang gikarga.” Pasabot nga andam kanunay si Mama Mary nga mokogus/mogakos kanato sa panahon nga nagkinahanglan kita kaniya. Nagpahinumdom usab siya nga si Mama Mary-Mother of Perpetual Help pero unta ang mga help nga atong pangayoon kaniya dili lamang para sa sarili, sa pamilya ug uban pang personal nga hangyo kondili apilan unta kini ug hangyo ug panabang para sa UBAN ilabina sa panahon karon nga adunay problema sa pinakusgang kampanya sa droga (tungod kay “drug kills”) ug sa mga nahitabong pagpamatay karong tuiga sa tulo (3) ka mga pari nga misanong sa giingon ni Maria sa Miracle in the wedding of Cana nga “Do whatever he tells you!” Dugang pa usab sa iyang pamalandong nga unta sundon nato ang pahimangno ni St. Paul of “Walking in faith not by sight because we are Courageous!” Likayan unta nato nga ma “at home with self but away from the Lord! (2nd Reading 2Cor.5:6-10) Pangandaman usab nato ang panahon nga himoon kitang sama sa “Cedar tree” strong (Ist Rdg. Ez 17:22-24). Bag-ohon ang kaugalingon gikan sa pagkamakasasala ngadto sa pagka-balaan tinabangan sa grasya sa Diyos. Paningkamotan nga maghinay-hinay ug sabwag sa “seed of goodness” bisan ug sa ginagmay nga paagi. (Gospel Mk 4:26-34) Sama ni Maria bisan sa iyang “littleness” nag say “YES” gayud siya sa panahon sa “Incarnation”.

Human sa Pontifical Mass gisunod ang paniudto sa tanan didto sa SATMI gym. Nalipay ug nalingaw nga makita nga kauban ang mga balaang tawo, mga Redemptoristang pari namo, naa pa gyud ang buotang Obispo ug president sa CBCP. Ikaduhang higayon na kini nga kasinatian pero exciting pa gihapon. Nakawitness pa si Bishop sa pasundayag sa mga unang parte sa programa diin nihatag ug Doxology ang mga Youth, naghatag ug welcome address among parish priest Fr. James Philip Narisma, CSsr (nga nagsulti pud sa iyang appreciation sa “homily” ni Bishop), dance number sa mga Devotees, pinakabibong sayaw sa mga seminarians sa St. Alphonsus Theological and Mission Institute (SATMI), sayaw sa Redemptorist Youth Ministry (RYM) Zone 6 ang Champion sa Youth Day Festival presentation nila nga “Bulawan Festival sa Compostela, ug sa mensahe ni Fr. Victorino Cueto, CSsR ang SATMI Director. Pinaagi ni Fr. James gipresent ngadto kang Bishop ang pasalamat sa parokya, usa ka framed picture ni Mama Maria nga isa sa duha nga gipalit ni Fr. Bert Cepe didto sa Roma. Happy kaayo nga gidawat kini ni Bishop uban sa iyang mensahe kanamo nga “ipadayon unta namo ang among ginahimo tungod kay daghan na ug best practice ang OMPH parish nga dapat mashare sa uban vice versa pud nga aduna pa sad makuha ang OMPH sa laing parokya.” Matod pa niya “it cannot be denied that OMPH is the most popular among parishes in Davao-what with the patron Our Mother of Perpetual Help, (world renowned and miraculous)”.

Sunod-sunod na dayon ang presentations sa “cowboy dance music, songs” ang gi-showcase sa mga sona gikan sa Zone 1 hangtud sa Zone 7. Makahagakhak ug katawa ang mga kanta (pobreng cowboy nga live ang nanganta) ug sinayawan sa mga adults nga naningkamot intawon nga mabarugan ang ilang suot nga cowboy attire. Apil gihapon ug sayaw, kanta ang mga tigulang or seniors na. Lingaw usab ang palarang nabunutan sa door prizes karong pistaha (mga kinilong bugas ug gift package). Gihatag ang closing prayer ni Edwin Pilapil ang PSL Coordinator pero sa wala pa nagbulag-bulag gipa-announce na ang bahin sa 3in1 Bonanza nga project sa Davao Verbum Dei or mas nailhan as DXGN 89.9 Spirit FM og Davao Catholic Herald.

Usa na usab ka tuig nga full of blessings ang gipasalamatan namong tanan. Daghang salamat sa among banda ang Hillside band nga live nagperfom ug mga hit songs nga cowboy ang theme, sa among parish priest nga this time mas feel na feel na ang pagkanta sa “Wonderful Tonight” ug sa pagshare niya sa talent isip surprise number sa iyang pag-umangkon nga hawod na mokanta bisan bata pa. Daghang salamat sa mga sakop sa GKK, mga piniling pamilya nga mi-sponsor, LOMAS (nga mao ang major group nga giduol isip mamahimong mission partner sa Facebook Live Coverage sa 46th Pontifical Mass) church groups, parish staff, parish workers: Sharon Batoto, Lucy Losbanez, Babino Casanaan, Inday Abapo, mga Companies ug schools (nga adunay mga katekista nga nagserve kanila) within the vicinity sa parish sa ilang walay sukod nga pagtabang sa pagsugod sa Novena niadtong June 8, 2017 sa mga oras sa alas 6:00 sa buntag alas 12:00 sa udto, 5:45 sa hapon. Idugang pa niana ang ilang partisipasyon sa PROCESSION nga sa 4:30 sa kaadlawon gipahigayon. Procession gikan sa simbahan, Garcia Hts., Ladislawa, Hilltop, Mcdo, church. Salamat usab sa mga invited priest sa laing congregations labaw sa tanan sa among mga buotang Redemptorist priest and SATMI seminarians. Looking forward to another fruitful year uban sa pahinumdum ni Mama Mary “Do whatever He tells you” referring to our Lord and Saviour Jesus Christ. (Marieta V. Comighud | OMPH Parish Soccom Coordinator)