Hagit alang sa mga katekista

Madre ug Pari adunay hagit alang sa mga Katekista sa San Roque Parish Malabog. Nahitabo kini atong Recollection ug sending forth sa mga katekista niadtong Mayo 19-20 dinhi sa San Roque Parish Malabog.

Matod pa ni sis Jeanifer Raganas Esurez, coordinator sa mga katekista, nga adunay 111 nga miapil sa recollection ug nanumpa sa ilang katungdanan. Mapasalamaton siya sa Ginoo sa kalampusan niini tungod sa makanunayong kooperasyon sa mga katekista ug pagtubag sa maong tawag.

Uban sa makanunayong suporta sa kura paroko nga si Rev. Fr. Jemasol Ortiz. Nagmapasalamaton usab siya kang Sister Janet Mapa sa paghatag niya ug panahon nga maoy modumala sa maong recollection.

Sumala pa sa kura paroko sa San Roque Parish, Malabog diha sa iyang homilya naghisgot siya nga ang Pentecost Sunday usa sa nagpalig-on sa atong pagtoo sa pagpadayon sa pagpangalagad, panaghiusa, ug kini saad ni Hesus nga gihatag ang Ispiritu Santo sa mga apostoles aron molig-on ang ilang pagsangyaw.

Aduna syay hagit kanatong tanan nga mga katekista una magpadayon sa pagtudlo, dili mangasaba sa mga bata,ipadayon ang misyon ug dili makalimot sa pagtawag sa atong Ginoo.

Si Sister Janet Mapa, taga ComVal, isa sa naghatag talk sa recollection sa mga katekista. Aduna syay hagit ug kalipay nga nasinate sa mga katekista.

Matod pa niya nga anaa ang willingness sa mga katekista sa paghatag ug panahon sa pag attend sa mga pormasyon ug sa pagtambong sa mga meetings maskin sa kalayo sa ilang paulian sa pagsakripisyo sa pagpangalagad nasinati gayod nila ang kalipay.

Ang Simplicity sa tao anaa sa katekista sa San Roque Parish Malabog.

Sa ilang pag paambit adunay niingon nga mingawon na sila kung maka absent kay nakabuild naman sila ug relasyon ug isa pa nakatabang pud sa problema sa pagshare sa kaubanan.

Hagit niya sa mga katekista nga dako gayod ug papel sa simbahan kay kining mga katekista nahimong front liner nanga andam sa mga buluhaton sa simbahan, gina challenge niya nga ipadayon ang pagpangalagad kung diin diha kita nalipay mabuhat kini kay isa mani ka tawag.

Alang sa nga katawhan ipadayon nato ang pagsupporta sa mga lideres sa simbahan o sa nagkalainlaing ministriya sa atong simbahan. Imbitado kitang tanan seguro dili pa nato ma realize nga naimbita na kita sa calling sa pagkakatekista o pagpangalagad basin sa hinay-hinay masabtan nato ang gitudlo sa simbahan mapag-agni kanato sa pagpangalagad. (Imelda Cajera Overiz | Parish Soccom)