Gospel Heart Kids Camp

Gipahigayon niadtong Sabado Hunyo 16, 2018 ang pinaka-unang Gospel Heart Kids Camp, sa Our Lady of Assumption Parish, nga nahimutang sa F. Torres St. ning syudad sa Davao.

Ang maong programa, gisalmutan sa 75 ka mga kabataan nga gikan sa Gagmayng Kristohanong Katilingban kon GKK, nga nag-edad sa nuwebe hantod dose anyos.

Sumala ni Imelda Avela, usa sa mga nagmugna sa maong programa, nga sa maong aktibidad, gipahigayon sa mga kabataan ang usa ka story telling, diin adunay pito ka nagkadaiyang storya nga gitanyag sa mga bata ug wala kini butangi ug pagtapos, tungod ang mga kabataan mismo ang mosumpay sa ilang kaugalingon nga storya, ug ila kining i-drawing sa usa ka papel, nga porma ug heart, ingon man sa matag pagsumpay sa mga kabataan, sila na mismo ang mopili sa mga maayong pagtulun-an nga ilang nakat-onan gikan niini.

Sumala ni Avila nga gimugna ang maong programa aron paghatag ug kateksismo sa mga kabataan, nga makalingaw ug mosalamot usab sila, aron aduna silay madala sa ilang paghingkod nga pagtulun-an, ug aron mas molambo pa sab ang pagtoo sa kabataan kang Jesu Kristo.

Samtang lakip na sab sa tumong nga ang mga kabataan adunay mas maila nga mga higala.

Samtang ang mga storyteller, mga katekista nga gipasailalom sa workshop sulod sa dul-an sa usa ka tuig, nga gipangulohan ni Dmonic Agcawili, kinsa kateksita nga naka base sa kauluhang manila.

Sumala pa nga gihimo una ang workshop aron masiguro nga sakto ang isangyaw sa mga storyteller ngadto sa mga kabataan.

Samtang sa maong workshop nakahimo ug pito ka nagkadaiyang storya ang mga katekista, nga mao ang Camilim and the Crest of Friendship, Peter’s Potato, Si Jessa at ang maitim na usok, Si Patpat at ang eroplanong papel, Story of Reverence: a mass mercy & compassion, Ang mga kuto ni Chito ug Ang batang si Bibo.

Samtang ang naasuy nga estorya, buot nila kining ilunsad karong Agosto 2019, atol sa ika 60 nga kapistahan sa maong Parokya.