OBU Summer Camp

26 ka mga kabataan nga partisipante sa Operation Build Up kon UBO ang milampos sa 40 diyas nga seminar.

Atul sa gipahigayong 49th graduation ceremony, nahimong mabungahon ang maong okasyon tungod gipakita sa mga nahisgutang kabataan ang ilang katakus sa pag drama, unod niini ang ilang ma-emosyonal nga kasinatian sa kinabuhi nga gisagubang sa ilang paglawig niining kalibutan.

Sumala sa pagpasabot ni Fr. Jun Acedo, ang convenor sa Operation Build Up, nga ang maong pundok gitukod ni Rev. Fr. Paul Cunanan aron ang mga kabataan mamahimong dakong kapuslanan sa katilingban ug lig-on na sa pag atubang sa hagit sa kinabuhi.

Atul sa 40 diyas, gipasailalom ang kabataan sa maong seminar, adunay nagkadaiyang mga lecture ang ilang nakat-onan gikan sa mga nagkadaiyang indibidwal kinsa sab mipa-ambit sa kasinatian sa kinabuhi.

Sumala pa nga nakalakip sa ilang mga gituki, ang political, kinabuhi, ekonomiya, ekolohiya, kultura ug edukasyon.

Dugang pa nga sa unang semana sa ilang pormasyon mao ang ginatawag nga sensivity week, mao ang pag-ila sa kahuyangan ug kakulangan sa matag indibidwal.

Ika duhang semana ang information week, mao ang pag kat-on sa kabataan sa impormasyon sa katilingban, misunod na ang political ug ang cultural information, arun mas masabtan pa gayud sa mga kabataan ang kinabuhi.

Dugang pa nga ang ilang mga nakat-onan sulod sa kuarenta diyas nga gipasailalom nga seminar, dakong tabang sa pagsangyaw sa pulong sa Diyos.

Samtang nasayran sa pagpanubay nga bisan dili mga katoliko, basta wala pa misulod sa kaminyuon, pwedeng mosalmot sa maong aktibidad. Ug gikinahanglan able ang kasingkasing kung unsa man ang pormasyon nga nakalatid sa maong pundok.