E-CHAMP magpadayon

Gikalipay sa Commission on Elections ang paglunsad sa Davao Association of Catholic Schools sa Election that is Clean Honest Accurate Meaningful and Peaceful kon eCHAMP.

Sumala ni Atty. Mohammad Omar Samama, Election Officer sa Comelec Davao, nga ang ECHAMP dakong tabang kanila tungod aduna na silay katambayayong sa pagpahigayon sa SK ug Barangay election karung umaabot nga Mayo 14.

Sumala ni Samama nga makatabang kini pinaagi sa Info Drive ug sa pag-monitor sa dagan sa election.

Butyag pa ni Samama nga nanginahanglan gayud sila ug tabang sa publiko arun aduna silay katambayayong sa pagbantay kung unsa man ang kakulangan.

Samtang ang eCHAMP gilunsad sa pakigtambayayong sa Archdiocesan Social Action Center kon ASAC sa Archdiocese sa Davao.

Sumala pa sa nauna ng pamahayag ni Fr. Bong Dublan ang Director sa ASAC nga ang ilang papel gayud sa election ang pagtabang sa mga botante sa pagpangita sa ilang mga polling precincts ug ang pagbantay arun walay makapanikas sa piniliay.

Samtang ang mga pwedeng mosalmot nga volunteer, dili basehan ang relihiyon, edad ug kasarian, basta adunay limpyo nga tumong sa election.