Ang GKK gamay nga Simbahan

Excerpt from the homily during GKK San Isidro labrador 50th fiesta celebration, Sitio Panulawan, Barangay Malabog, Paquibato District, Davao City.

Mga igsoon ko kay Kristo, maayong piyesta kaninyong tanan. Viva San Isidro! Viva!

Salamat sa inyong invitation nga ako makamisa dinhi.

Kining Panulawan usa ka GKK nga sakop sa Malabog. Ang Malabog ang usa ka bahin nga sa dugay nga panahon lisod ang pag-anhi dinhi, arang-arang karon pero adunay pila ka bahin nga lisod (abton).

Ang GKK usa ka example, ang tibuok parokya kung imo drawingon, walay dead territory. Murag puzzle. Puro kini teritoryo sa GKK. Usa niini ang GKK. Ang GKK murag mini parokya.

Ang lihok sa usa ka GKK murag gamay nga parokya. Kung naay parish youth coordinator, naa pod sila diri. Kung naay parish social action, naa pod sila diri.

Ang tanan nga mga sakop sa GKK walay excuse. Adunay lihok, adunay gimmick, adunay pitik, adunay ginhawa sa katilingban nga lihok sa simbahan.

Sa tibuok Mindanao, buhi kaayo ang GKK, buhi kaayo ang simbahan. Mitubo kita. Kaniadto gamay kita nga kapilya, pero karon nia kita gamay nga katilingban. Daghan aspeto sa kinabuhi, nagalihok kita isip usa ka simbahan.