2nd Sta. Cruz Parochial Fiesta

Excerpt from Archbishop Romulo G. Valles’ homily during the 2ND Parochial Fiesta Celebration of Sta. Cruz Parish, Talicud Island, IGACOS, Davao del Norte last May 3, 2018.

Inspirasyon ang balaang krus aron mahimong buhi gayud ang atong pagtoo. Mao na ang tuyo sa taga tuig nga pagpyesta, mao na ang very important katuyuan niining grasya nga magsaulog kita sa pyesta. Okasyon sa grasya, nga matandug kita sa ilalom sa kasingkasing, nga mutubo sa atong pagtoo. Ang pyesta, nindut na batasan na Pilipinhon, Roman Catholic tradition. Ang pyesta, magpabuhi, magpaalert, magpasharp sa memory that God is good to us.

Ayaw kalimti nga buotan ta ug angayan ta panggaon. Aduna tay dignidad, nindut nga larawan. Kung di pa ta nindut, nganong miingon man ang Ginoo nga akong ipadala ang akong anak nga sama’g tawo. Ang Ginoo gipakatawo nga sama nato. Ayaw kalimti ha. Nindut diay atong original pattern, mao bitaw supak kita sa death penalty kay matag-usa maski unsa kangil-ad ang ilawom ana, maayo. Ang gipadala sa Ginoo, iyang porma, porma sa luwasunon. Naa gyud diay nindut nato. Maong ayaw kalimti ha.

Ayaw kalimti ang buhat sa Ginoo, ayaw kalimti nga nindut ta sa ilawom, tanan giluwas sa krus, ayaw kalimti tungod kita ang crowning glory sa buhat sa Ginoo. Usa kita sa ebidensya nga ayaw kalimti ang buhat sa Ginoo. Ginama ta niya, buhat ta niya. Busa, ayaw intawon gub-a, kanang binuhat sa drugs-drugs, supak kaayo na. Naa pa supporting nga buhat sa Ginoo, iyang gibuhat ang kinaiyahan aron ang iyang pinakanindot nga binuhat, mabuhi. Kadagatan, kahanginan, kayutaan. Maong maulaw kita magpakasala kay atong gibuling-bulingan, gitamas-tamasan ang nindut nga buhat sa Ginoo.

Didto sa tiilan sa Krus, nagbarog ang Mahal nga Birhen. Anaa ang Mahal nga Birhen sa tiilan, giingnan ni Jesus si maria nga ikaw na ang Inahan nila. Si Jesus naghatag sa atoa kang Birhen Maria nga Inahan. Busa sa atong panaw sa krus, ayaw lang lantawa ang krus mga taga Talicud, pas-ana pod ni, ayaw lang ibilin. Usa ka hagit. Apan sa atong pagpas-an sa krus, anaa ang Mahal nga Birhen, magauban kanato, magadasig ug magtabang kanato nga mahimo kitang sumusunod sa iyang anak. Viva Sta. Cruz!