PSL Formation Seminar sa San Pedro Cathedral gipahigayon

Ang San Pedro Cathedral Parish nagpahigayun ug usa ka adlaw nga Pormasyon Seminar alang sa mga bag-o ug daan nga mga Pangulo sa Liturhiya (PSL) niadtong Abril 21, 2018.

Gipahitabo ang maong seminar sulod sa Camp Quintin M Merecido, Buhangin, Davao City. Gitambugnan kini ug (70) ka partisipante, ang ilang mamumulong mao si Fr. Calexto Pelegrino, inubanan sa Parish Administrator nga si Msgr. Leonardo Vicente, nindot kayo ang maong pag-paambit tungod kay ang matag usa kanila naka-amgo kung unsa kamahinungdanon ang ilang mga katungdanan isip Pangulo sa Liturhiya (PSL) diha sa matag kapilya o katilingban.

Gihuman sa ang maong seminar sa usa ka santos nga misa sulod sa kampo nga kapilya. Nipadayun ang seminar sa usa ka maamgohong pamalandong, niuli ang mga partisepante (PSL) nga bitbit ang kadasig sa ilang nadungog ug nakat-unan. (Rosalinda Jabonillo | Parish SOCCOM)