Naval Forces EastMin mipahigayun sa civil military operation

Wala panumbalinga sa Naval Forces Eastern Mindanao ang hapak sa dagkong balod niadtung biyernes Marso 23 hangtud sabado Marso 24 niining Tuig.

Arun lamang sa Civil Military Operation sa Barangay Lavigan Governor Genereso Davao Oriental, partikularmente sa Lavigan National High school.

Gikan sa Naval Forcer Eastern Mindanao Headquarters sa Panacan Dakbayan sa Davao, mibyahe ang mga sakop sa NFEM ug 3 ka oras padulong sa Barangay Lavigan arun sa Medical ug Dental Mission, ug aduna sab kini libreng gupit.

Mikabat sa 150 ka mga residente sa maong Barangay ang naka benipisyo sa maong aktibidad.

Gihimo sab nila ang Coastal Clean Up ug mikabat sa 1,300 ka seedlings sa Mangrove ang gipangtanum sa maong Barangay.

Ang maong programa adunay temang nagkanayun “Libreng Serbisyo para sa Maayong Lawas Gikan sa Sundalo sa Dagat sa Pilipinas.”

Atul sa maong higayun gihatagan sab sa sundalo sa kadagatan ug tag walo ka Trash Can ang Fatima National High school, Lavigan Elementary School ug mismong ang Lavigan National high school.

Sumala ni Commodore Ramil Roberto Enriquez ang Labaw Naval Forces Eastern Mindanao nga gihimo nila ang maong aktibidad isip pagpasalamat na usab nila ngadtu sa mga residente sa maong dapit, tungud ang kasundaluhan sa kadagatan nga nadistino sa maong lugar anaa sa maayo nga kahimtang ingun man pagpasalamat sa kooperasyon sa mga taga Barangay Lavigan.

Gipasabut sab sa opisyal nga ang pagtanum sa mga bacawan sa maong dapit alang sa pagpadaghan sa mga isda nga makuha sa mga residente, ilabi na nga 90 porciento sa mga mulupyu sa lugar mga mananagat.

Dako na lamang ang pagpasalamat sa Mayor sa Munisipalidad sa Governor Generoso nga si Mayor Cathrena Joy Orencia tungod sa gihimong aktibidad sa Naval Forces Eastern Mindanao.

Sumala pa nga dakong prebilihiyo ang naasuy nga aktibidad nga matabangan ang mga residente sa nahisgutang Barangay.

Sumala pa nga ang maong aktibidad dako ug tabang sa mga residente, ilabi na libre kini nga gipahigayun.