SKP2 Recollection gipahigayon

Malampuson nga napahigayon ang recollection sa mga Voluntary Submission for Reformation Person (VSRP) sa Buhangin niadtong Domingo, Marso 4, 2018. Gihimo kini sa Shrine of Our Lady of the Most Holy Rosary. Ang mga facilitators mao ang mga staff sa Archdiocesan Social Action Center (ASAC) sa Davao nga gipangulohan sa ASAC Director, Fr. Bong Dublan. Gihuman ang maong recollection pinaagi sa Santos nga Misa nga gipangulohan sa Kura Paroko sa St. Mary of the Perpetual Rosary Parish, Fr. Jess Samaniego. Nanghinaut ang Kura Paroko nga unta molahutay ug mahuman sa mga VSRP ang tanang sessions nga gi-andam alang kanila nga pinaagi niini matabangan sila sa Simbahan nga mabag-o ang ilang kinabuhi. Malampuson ang kalihukan tungod sa pagtinabangay sa Parish Social Action Ministry (PSAM) core group nga gipangunahan sa PSAM coordinator, Joel Corage uban ang mga GKK Servant Leader (GSL) volunteers ug sa Parish Recognized Organization (PARECO) ang Divine Mercy Apostolate. (Hermie Mapute | SMPRP SoCCom)