OMPH Bajada-Alay Kapwa Launching

Gi-launch sa OMPH Redemptorist Bajada ang “Alay Kapwa” activities alang sa tuig 2018 kaniadtong February 18, 2017, unang Domingo sa Lent atol sa alas 6:00 sa buntag nga Kasaulogan sa santos nga Misa.

Mitambong sa maong launching and mga Pangulo sa Katilingban (PSK), Pangulo sa Liturhiya (PSL) ug Pangulo sa Alagad (PSA) sa pito (7) ka sona sa parokya nga adunay trientay tres (33) ka mga Gagmay Kristohanong Katilingban (GKK).

Tuyo sa maong kalihukan nga ma-involve ang mga members sa GKK pinaagi sa ilang pagdawat sa mga alay kapwa boxes nga ibilin sa ilang panimalay aron mabutangan sa kwartang matigum tungod sa gihimong pagpugong o paglikay sa ilang naandang kalihokan o bisyo isip sakripisyo halad sa panahon sa Kuwaresma. Panahon usab kini nga mabisitahan ug maampoan ang pamilyang sakop sa katilingban sa ilang mga lideres (Adunay ginasunod nga rito para niini).

Ang kantidad nga matigom sa pamilya ilang ihatag/ihalad sa panahon sa Misa sa Katapusang Panihapon (Huwebes Santo).

Kaning matigum nga total nga kantidad bahinon sa parokya ug sa GKK para sa dugang pondo nga gigahin nga magamit dayon sa panahon sa mga kalamidad nga masinati tinuyo man o dili tinuyo. (Pamela Caroline V. Millabe, OMPH Soccom | Photo Credit: Sol Demelino-Valenzona)