Ika-24 nga kapistahan sa Birhen sa Lourdes gisaulog

Gisaulog sa Arkidyosesis sa Dabaw ang ika 24 nga kapistahan sa usa ka komunidad sa NCCC relocation, Tigatto, Buhangin.

Subay sa Tema: “Ang Birhen sa Lourdes tinubdan sa buhing pagtoo ug mapadayunong pag-alagad ning tuig sa kaparian ug relihiyoso,” gisaulog sa Gagmayng Kristohanong Katilingban kon (GKK) sa Lourdes ang ilang kapistahan niadtong Pebrero 10 kauban si Fr. Jesus Samaniego, ang kura paroko sa St. Mary of the Perpetual Rosary Parish diin nahisakop ang maong GKK.

Gipangutana sa kura paroko ang katawhan kung kinsa ba gayud ang Birhen sa Lourdes, “Pilgrimage o ang panawdu-aw sa nahitabo sa dihang nag pakita ang mahal na birhen sa usa ka kabus nga bata na si Bernadette Soubirous niadtong Pebrero 11, 1858. Adunay disi utso nga higayon nga nagpakita ang Mahal na Birhen. Sa tanan niyang pagpakita si Bernadette lang ang makadungog sa iyang tingog.”

Matod ni Fr. Samaniego nga, mitubag og mipaila si Maria nga “I am the Immaculate Conception” ug matod niini gisugo si Bernadette na iingon sa padre kura na magtukod ug kapilya sa maong dapita.

“Gihulagway ni Bernadette nga ang Birhen batan-on, maanyag nga babae, puti ang sapot ug dunay brunda nga puti, asul ang bakos ug adunay bulawan nga rosas sa iyang tiilan nga nagpaila ug nagpakita ang mahal na birhen,” dugang niya.

Adunay busay sa tubig nga nagpamatood na adunay milagro niini nga maka paayo sa katawhan nga dunay mga sakit. Kining tanan nahitabo sa Lourdes, France nga karon ginganlan na kini ug Birhen sa Lourdes.

Apan sulti sab niini nga ang maong pagpadayag sa Mahal na Birheng Maria kung muadto ka sa Lourdes ang imong pinaka unang bitbiton gikan ngadto kay ang tubig. Si Bernadeth gisugo nga paukabon sa ilalom sa yuta gamit ang iyang kamot. Human niini gisugo siya na imnon ang maong tubig apan nagduha duha siya kay lubog ang tubig apan gipakubkub pa kaniya ang ilalom hantod na tin-aw ang tubig ug gihinaw kini niya.

Sumala pa ni Fr. Samaniego nga daghan kayo ang testimonya ang nahitabo gipalaluman nila ang tubig ug nangalo sila sa tubig kauban si Saint Bernadette nga miingon nga ang tubig gina tawag ug miraculous water sa Lourdes nga maoy naka paayo sa mga naay sakit sa balati-on.

Miingon sab siya nga sa petsa sa Pebrero nga ang mga dili kalakaw kay makalaw ug ang daghang balation sa lakawasan kay maayo, Dugang niya nga ang maong dapit kay ang milagroso ug maka ayo sa mga masakiton.

Sa wa pa mahuman ang santos sa misa iyang giingnan ang katawhan nga “akong ibutang sa inyong kasing-kasing, hunahuna ug pagpaningkamot nga uban gayud kaninyo na hinaot na unta nga ang tabang sa simbahan makaabot sa inyo. Atong i-ampo sab ang mahal sa kinabuhi nga adunay mga balation, mga paryente mga higala ug bisan kinsa nga adunay balatian nga unta ayuhon sila sa Dios. Nga unta hatagan sila sa Dios sa mga grasya nga ilang gikinihanglan,” sumala ni Fr. Samaniego. (Roxanne Bendijo | HCDC Masscom Intern)