Orientation sa Red Book

Gipahigayon ang orientation sa Red Book o Pastoral and Catechetical Primer on the Sacraments niadtong Enero 14 sa Parokya sa Our Lady of the Miraculous Medal, Indangan.

Si Rev. Fr. Junar dela Victoria ang nagpasabot sa unod sa maong red book.

Gitambongan kini sa 253 ka mga GKK servant leaders nga sakop sa maong parokya.

Matud pa sa usa ka inahan, malipayon ang duha niya ka mga anak nga niapil sa maong kalihukan tungod kay daghan sila ug nakat-onan.

Pipila usab ka GSLs ang niingon nga wala gayud sila nagmahay nga nabiyaan ang ilang mga buluhaton sa tagsa ka mga panimalay tungod sa daghang pagtulon-an nga ilang napaminawan.

Matud pa nila nga ang duha ka seminar, Inter Mirifica ug ang orientation sa Red Book nahaum kaayo sa mga pagbasa sa Santos nga Misa nga diin ang batang Samuel gitawag sa Ginoo ug ang tubag ni Samuel: “Sulti Ginoo kay mamati ang imong sulugoon.” Sama nga sila GSL andam maminaw sa maong pagtulon-an. Daku ang kalipay ug pasalamat sa kura paroko, Fr. Meñez sa kalampusan sa duha ka kalihukan nga gipahigayon niadtong adlawa. (Anabelle Encluna | OLMMP SoCCom)