Kasalan sa Parokya

Gipatigayon di pa lamang dugay ang kasalan sa parokya sa Santo Rosario Parish, Toril, Davao City pinangunahan sa kura paroko nga si Rev. Fr. Roy Mejias.

“Tungod niini dili bulagon sa tao ang gihiusa sa Dios”, kini ang pasiunang pagpaambit ni Fr. Roy sa mga kaslunon.

Ang pagsaulog sa Sakramento sa Kasal mao ang usa ka mahinungdanon nga panaghiusa diha sa simbahan sa mata sa Dios.

Dugang niini mao ang pagpasabot usab sa mga material nga butang, ang simbolo niini nga makita diha sa pagdawat sa maong Sakramento.

Dako usab ang kalambigitan sa mga ninong ug ninang nga misaksi sa maong seremonyas isip kabahin sa matag adlaw sa ilang kinabuhi.

Ang 25 ka paresan tagsa tagsang mitubag sa mga pangutana sa pari ug mipadayag sa ilang panumpa nga kamatayon ra ang makapabulag kanila.

Human sa pagdawat sa Sakramento sa Kalawat, misunod ang pagpabunyag sa mga anak sa mga kinasal. (Vita Benabese | SRP SoCCom)