SKP2: padayon nga naga-amoma

“Molungtad ang SKP2 dinhi sa parokya sa San Antonio de Padua kay ang mga beneficiaries anaa, ang mga agencies anaa. Nanghinaot ko nga ang tanan parokya unta anaay ingon niini.” Gipadayag kini ni Sir Mark, Assumption College of Davao, niadtong Nobyembre 26 sa paglusad sa ika-duhang grupo sa Sagop Kinabuhi 2 sa San Antonio de Padua Parish una mi-pirma ang tanang stakeholders diha sa statement of commitment.

Nag-uban gikan sa Santos nga Misa sa alas tres sa hapon hangtod sa programa, ang pipila ka Kapitan ug Kagawad sa Barangay, ang mga representante sa government agencies—Philippine National Police, Philippine Drug Enforcement Agency, City Social Services and Development Office (CSSDO), ang mga representante sa Assumption College of Davao ug San Pedro College, ASAC staff, Sr. Mariz, Fr. Toto España, ug ang iyang Parish Pastoral Council, Voluntary Submission for Reformation Persons (VSRs) batch 1 ug 2.

Nagkahiusa sila sa kalipay alang sa programa nga milambo pa ngadto sa laing ang-ang sa paghatag ug bag-ong kinabuhi alang sa 40 ka VSRPs.

“Tumang kalipay ang akong gibati,” ingon ni Kapitan Eduardo Campuso, Brgy. Lapulapu, tungod kay nakahibalo siya ug pari, Fr. Toto, nga “nakasabot sa kahimtang sa iyang katawhan,” ug sa presensya sa 1st batch nianang higayona. Padayon ang 32 nga VSRPs sa first batch sa After Care Sober Life Fellowship ubos ni Jun Estoque, SKP2 Program Head.

Ang Community Based Rehabilitation Program o SKP2 sa Archdiocesan Social Action Committee padayon sa paglawig sa parokya sa San Antonio de Padua, Agdao. Kay sa giingon sa ilang Kura Paroko, “dili bug-at ang trabaho tungod sa pagtinabangay sa tanan, apil ang mga GKK Servant Leaders. Ang presensya sa matag usa igo na aron makapadayon sa pagtabang sa paghatag sa bag-ong kinabuhi.”

Dakong pagbag-o sa kaugalingon, ang nasinati sa unang batch. Ug sila nag-ingon sa mga bag-o, “welcome to the family!” (Elena Mozo | SADP SoCCom)