Tabang sa parokya alang sa mga magtiayon

Ang Marriage Enrichment Seminar (MES) Batch 24 nga gipahigayon sa Parokya sa St. Mary of the Perpetual Rosary usa ka tabang sa simbahan alang sa pagpalig-on sa mga magtiayon.

Ang maong seminar gipangulohan sa Family Life and Apostolate Coordinator, Maurillo-Delia Frias. Gipahigayon kini gikan Nobyembre 10-12 diin ang tumong mao ang, “Building up the Small Christian Communities by Enriching and Strengthening the Christian Families.”

Adunay upat ka magtiayon nga nakahuman sa maong seminar nga sila: Armando-Mary Jean Buenasida sa San Miguel Communal GKK, Jonel-Jovelyn Tañeza sa Sto. Niño Countryville GKK, Arnel-Jane Omas-as sa Immaculate Conception Buhangin GKK, Rogelio-Alvina sa St. Joseph the Worker Country Homes GKK. Ang duha nag-ipon na isip magtiayon sa 18 ka tuig, ang usa 22 ka tuig ug ang usa 26 ka tuig.

Gipaambit sa mga MES facilitators ang mga input nga nakadugang sa pag palig-on sa kinabuhi isip magtiayon ang maong mga topiko: Love and Christian Marriage, Communication in Marriage, Personhood, Johari’s Window, Maturity in Conjugal Love, Christian Attitude and Sexuality, Parent-Child Relationship, Theology of Marriage, Responsible Parenthood, Family and Community, Transactional Analysis, Economics Aspects, Love Letter Writing, Decalogue for a Happy Family.

Gihuman ang seminar pinaagi sa Santos nga Misa nga gipangulohan sa Kura Paroko Fr. Jess Samaniego. Pagkahuman sa homiliya gipahigayon ang renewal of vows ug pagbendisyon sa mga magtiayon. Una, gihatag ang katapusang panalangin ni Fr. Jess Samaniego diin gipahinumduman nya ang upat ka magtiayon nga ang obligasyon nila sa matag usa mao ang paghatag ug kalipay sa ilang kapikas, dili ang mangayo, kondili ang mohatag sa maong kalipay. (Hermie Mapute | SMPRP SoCCom)