Suporta sa Padre Pio’s home gipasalamatan

Buot mo bang mutabang sa mga bata?

Ang mga madre sa Apostles of Jesus Crucified (AJC) sisters, inubanan sa mga beneficiaries, benefactors, lay group og volunteers nagsaulog sa ika-20 ka tuig nga anibersaryo sa pagtukod sa Padre Pio’s Home for Children Inc. (PPCH) sa Davao City.

Gipahitabo kini niadtong Oktubre 29 sa Citadel of the Divine Mercy, Tugbok subay sa tema: “Celebrating the Service of Love to the Children of Padre Pio’s Home, in Unity and Joy in moving forward for their strong and bright future.”

Gihatagan ug duot ni Msgr. Paul Cuizon, nanguna sa pagsaulog sa Santos nga Misa, nga ang pagtinabangay sa atong mga igsuon sa religious groups ug laity mao ang dakong rason nga midugay ug 20 ka tuig ang PPHC.

Imbitasyon niya nga ipadayon ang pagpamalandong ug paghatag sa kaugalingon alang sa misyon sa paghatag ug pag-amuma sa mga naningahanglan natong mga kaigsuonan.

Human sa Santos nga Misa, adunay gamay nga kalingawan diin gipakita sa mga bata ug mga madre ang ilang mga talento sa pagtugtog ug instrumento, pagsayaw ug pagkanta. Aduna usab pa-raffle, human, giharanahan ang tanan sa usa ka sikat nga mang-aawit ug OPM nga si Mr. Chad Borja, inubanan sa iyang kinamaguwangang anak nga si Abby.

Mipauli ang tanan bitbit ang usa ka souvenir nga kalo ug ang mensahe sa pagpadayon sa paghatag sa kaugalingon alang sa kaayuhan sa tanan.

Kapin 60 ka mga bata ang nahatagan ug prebilihiyo nga maka eskwela pinaagi sa pagtabang ug pag-amoma sa mga AJC Sister og benefactor.

Ang mga AJC Sister andam sa pagdawat sa mga grasya alang sa mga batang nanginahanglan. Tawagan lamang si Sr. Maria Cecilia sa numero, 293-0290. (Angelika Calano | TMSHJ Parish SoCCom)