Taxi driver miuli ug gamit sa pasahero

Dakong pasalamat sa usa ka Pasahero human giuli sa taxi driver ang iyang gamit nga nahibilin sa gisakyan niining taxi dinhi sa Dakbayan sa Davao. Giila ang maong pasahero nga si Honey Mae Arnaiz Monteza, 20 anyos, residente sa Magsaysay, Davao Del Sur. Sumala ni Monteza misakay siya ug taxi gikan sa Matina Grabahan ning paingun sa Leon Garcia, apan sumala pa nga nahikurat na lamang siya nga sa iyang pag naug nawagtang na ang iyang bag nga adunay laptop lakip ang mga importanteng dukomento, ug ang taxi nga iyang gisakyan naka sibat na sab sa wala sayri nga dapit.

Hinungdan nga walay katupngan ang iyang kakulba kung hain niya pangitaon ang taxi nga iyang nasakyan, arun sa pag kuha ug gamit, misangput siya sa kapulisan arun ipa blotter ang maong insidente. Sa dihang miabut siya sa Santa Ana Police Station alang sa pag blotter adunay mi tawag kaniya gikan sa iyang kabanay nga adunay taxi driver nga nangita kaniya bitbit ang usa ka bag nga puno sa kagamitan.

Sumala ni Monteza nga gidungog ang iyang pag-ampo sa labaw’ng Makagagahum nga mauli iyang gamit ilabi na nga anaa sa maong butang naka depende ang iyang kaugmaon tungud sa ka importante sa papeles nga anaa sa bag.

Sumala sa atong nahinabi nga si Ricardo Arellano, 30 anyos, residente sa Matina Grabahan ning syudad, kinsa mao ang taxi driver nga miuli sa gamit ni Monteza nga sa iyang pagkasayud nga adunay gamit nga nahabilin sa iyang taxi, misangput gi layon sa iyang alimpatakan nga iuli ang maong butang tungod dili kini iyaha ug angay kining i-uli ilabi na nga dako kining sala ang mo gamit sa butang nga dili maoy nanag-iya.

Butyag ni Arellano nga wala siya dayun ma sayud nga adunay nahabilin nga gamit ang iyang pasahero, diin paghatud niya kang Monteza sa Leon Garcia Agdao namasada na usab siya, ug nakapasahero na siya ug katulo ka byahe, apan sa ika tulo niya nga pasahero mao na lamang nagpahibalo kaniya nga adunay gamit nga nabilin sa iyang taxi, hinungdan nga nagpasalamat sab si Arellano sa nahimo niyang pasahero tungud wala kuhaa ang maong butang.

Apan alang kang Arellano nga ang maong insedente dili bag-o alang kaniya, tungud sa iyang pagpamasada maka upat na ka beses siya nga miuli ug gamit sa iyang mga pasahero, sumala pa nga ang mga naunang nahabilin nga gamit sa iyang gimanihuan nga taxi, pulos mga cellphone, apan bisan usa sa maong mga butang wala siya nagka interes, ug iya kining gipang-uli sa tag-iya.

Samtang sa maong insidente gipaniguro ni Arellano nga kung aduna pay laing gamit o bisan salapi nga mahabilin sa iyang gimaneho nga taxi, lauman nga iya kining iuli sa tag-iya.