Kamatuoran

Dear KNOT,

Naa juy mga butang na dili nato malikayan ug muabot nalang ug pinakalit. Ako nagdako sugod pagkabata nga puros ikumpara sa lain tawo. “Hawud siyag math ikaw dili”; “honor siya nga ikaw dili”; “busy lagi kaayo sila ikaw dili.” Mga istorya nga abi nila nga okay ra sa ako pero wala sila kabalo nga lami ihilak, gusto nako mawala, ngano man ko nabuhi diri. Nidako ang problema tong Grade 5 ko. Wala ko nagdahum nga mabagsak ko sa math ug suko si papa. Perti nakong ulawa ug ang giingon sa akong papa, “Ngano man nga imong kuya hawud man ug math?” Gikumpara nasad ko sa laing tawo, sakit kaayo. Wala nako naghuna-huna ug tarong ug last nakong nahinumduman kay naa nay kutsilyo sa akong kamot. Tungod niana nakamata ko sa kamatuoran ug wala ko kabalo ngao ug sa way pagduha-duha, gibuy-an dayon ang gigunitan ug nagmahay sa buhaton unta.

Mga pila ka tuig, naay nag-imbita sa ako ug youthcamp. Wala ko nisugot pero sa kadugayan ako na nag-insist kay gusto nga maka-experience unsa ang ginabuhat ana nga panahona. Diri nako nakita ang Ginoo na nara diay sa akong kilid ug nagabantay. Didto pud nako nabantayan nga wala nadayon tong akong buhaton na “magpakamatay” ug nakamata ko sa kamatuoran sa dayon tungod sa Ginoo. Dili siya gusto nga maadto ko sa dautan tungod sa gihigugma ko Niya. Paghuman sa camp, naay naghatag ug “prayer book on how to pray the rosary” ug naga-ampo gihapon ako niini karon. – Rey Adrian Asejo, SHS, PWC