‘Dakbayan’ nangandam sa MSPC XVI

Representante sa local nga gobyerno nagtaud ug tarpaulin alang sa MSPC XVI.

Davao City—Taud diri, Taud didto. Gika-busyhan sab sa lokal nga opisyal sa gobyerno, City Mayor’s Office, Sanggunian Panglungsod ug Public Safety Security Command Center ang pagpanaud ug tarpaulins niadtong Oktubre 4 sulod sa dakbayan isip pagpangandam sa umaabot nga Mindanao-Sulu Pastoral Conference kon MSPC XVI. Ang pagpanaud, usa lamang kana sa ubang preparasyon sa simbahan nga gisuportahan sa lokal nga panggamhanan.

Tambongan kini sa mga kaobispohan, mga pari, ug mga layko nga mga lumilihok pastoral sa mga ahensya gikan sa lokal nga Simbahan dinhi sa Mindanao karong Oktobre 16-20, 2017 sa Waterfront Insular Hotel. Diin ang pagpangandam sab sa simbahan hingpit na, “the preparations for MSPC are in full swing. Pre-registration is 90% complete. The 10 working committees are on their toes in preparing for the event,” ingon sa Steering Committee Chair Fr. Leonardo “Bong” A. Dublan, Jr.

Ang MSPC usa ka forum sa mga ideya nga mupahigayon sa pakighiusa sa lokal nga mga Simbahan sa Mindanao. Tuyo niini nga madunggan ang mga ideya sa matag usa aron mahatagan ug rekomendasyon ang mga problema. Dinhi ginalatid usab ang mga priority actions sa paghatag ug solusyon.

Kini nagsugod tuig 1971, sa inspirasyon nga nakuha sa All-India Conference human sa Vatican II, nasuta ni Arsobispo Lino R. Gonzaga Y Rasdesales (Zamboanga) ug mga kaubanan ang kamahinungdanon sa tingog sa layko aron mahatagan ug hinanaling tubag ang mga isyu sa rehiyong Mindanao ug Sulu. Busa, niining tuiga, giorganisa ang kinaunhang Mindanao-Sulu Pastoral Conference kon MSPC. Kini nahitabo dinhi sa Davao City subay sa tema, “Building Christian Communities: Worshipping, Teaching, Serving.” (@dcherald)