School Vocation Campaign

Gipaila sa mga seminarista sa St. Francis Xavier Seminary ug mga madre sa nagkalain laing kongregasyon ang mga bokasyon o tawag sa tawo (kaminyoon, single blessedness, consecrated life) hilabi na ang tawag sa pagka-balaan (pari ug madre) diha sa mga Grade 10 ug 11 nga mga estudyante sa Leon Garcia National High School niadtong Setyembre 5. Kini ilang gibuhat aron matabangan ang mga kabataan sa pag-ila ug pagpaminaw sa tawag diha sa ilang kinabuhi nga sugdan diha sa pag-ila sa ilang mga talento o gasa nga gikan sa Dios. Nahimong pultahan ang maong pagbisita nga giabre aron makita sa kabataan ang kanindot sa ilang mga gasa nga magamit aron maka-serbisyo sa uban ug sa Ginoo. Si Alfred, Grade 10, mipasaka sa iyang kamot aron mosulti nga gusto siya mag-pari. Sa dihang gipangutana siya kon ngano, siya sigurado nga mitubag, “Gusto ko makatabang sa pagluwas sa tawo.” Dugang niya nga, “mag-ampo ako sa Ginoo ug mangayo sa Iyang grasya aron mahimo ang akong gusto nga mahimong pari.” (Elena Mozo | SAP SoCCom)