Rock-Bottom

Thirty years siyang nagpaubos sa epekto sa droga, apan karon usa na si Jun sa speakers sa Sagop Kinabuhi Program I, ang intervention sa Simbahan sa mga nahilambigit sa illegal nga droga.

* * * * * *

Dear KNOT,

Nag start ko sa akong bisyo at age 13 years old. I’m 43 now. Siguro I almost took drugs for almost 30 years, at the same time klase-klase nga droga ang akong gina-gamit. So, part ato murag ang akoang pagdako murag dili gayud siya maayo. Naa koy ginabasol pirmamente sama sa akong ginikanan, bali gi-abandon ko niya. Taga-Surigao ko pero gilabay ko diri sa Davao, somewhere in Boulevard nga grabe kalisod. So, didto nagsugod ang akong drug taking.

Apan niabot ang time g’yud nga naka-amgo ko, nga nangayo ko ug tabang sa akong magulang. Akong magulang pastoral worker pud siya. Siya nagtabang sa akoa. After nako didto sa rehab, na train ko didto as a staff. Pagkahuman, nigawas ko kay wala ko nisugot kay naa man guy kontrata nga 3 years, so I decided na mogawas nalang ko.

Paggawas nako, gi-encourage ko sa akong magulang kung basin p’wede ko makatabang sa Sagop Kinabuhi Program 2 nga ilang gimugna karun. So, mao ni karun. Nitabang ko sa ila gamit ang akoang experience didto sa sulod sa rehab for 2 years.

Actually, ni-abot na gyud ko sa akong rock-bottom nga moment. Atong naka-ingon na ko nga sadsad na g’yud kaayo ko. Naisip jud nako akong anak.

Naa koy upat ka anak. Last nga word na akong nadunggan sa akong kinamagulangan nga anak mao: “Pa, nagtarung man unta ko ug eskwela. Pero nganong nagbinoang man ka?”

So, murag natandog ko ato. That’s why, I decided na mo-surrender nako. Nangayo ko ug tabang sa akong magulang.

Makaingon ko nga usa ra pud ko ka biktima nga nabiktima sa droga. Siguro, akoang pagdako dili lang maayo, ang paghandle sa ginikanan dili lang siguro maayo. That’s why nahisugamak ko ato. Siguro ang pinaka narealize gyud nako ani nga kinahanglan ang pamilya, ang anak alaga-an g’yud na siya.

Kay, kung unsa tong pundasyon sa gamay pa siya, pagdako niya madala na niya. Kung unsa ang nakita niya sa iyang palibot mao g’yud to iyang masundog; biskan unsaon pa nimo’g paningkamot kung dili maayo ang pundasyon, mao gyud ang dangatan, sama sa nahitabo sa akoa.

Ang mensahe nako kanilang gusto pang muapil niini nga dili sila mahadlok, dili sila maulaw nga modoul ani ug moapil sila ani nga programa kay grabe ni kanindot. Suportado ni sa atong gobyernong lokal nato.

Actually, dili lang lokal kay ang presidente nato ang iyang anak man ang naa diri karon. Unya ang atong mga barangay, grabe ang suporta nila. Bilib ko sa suporta sa barangay. Unya ang mga ginikanan pud, atong mga igsoon misuporta.

Siguro, ayaw mo pagmakuli na, ayaw mo’g kaulaw na, kung naa moy problema nga sama ni ani sa droga, modoul lang mo diri sa Simbahan o mangayo mo ug tabang niadtong p’wede ninyo kasaligan. Salig lang. Normal manang husgahan ta, pero mas maayo nga maka-dungog pud ta sa side sa uban na nag-undergo na niani.

* * * * * *

Salamat Jun ug kanimo JM Duran (GKK SoCCom sa San Antonio Parish, Agdao) alang niining kasaysayan. ‘Til next time, higala!