Pasalamat sa gasa sa pagtoo

“Nganong nanganhi man kita diri? The daily grind of life is not complete kung di kita muduol sa Ginoo.”

Mao kini ang pasiunang pahinumdom ni Abp. Romulo G. Valles sa mga parokyano sa San Miguel Parish, Marahan niadtong Dominggo, kapistahan sa parokya, Setyembre 17.

Matud pa niya nga dili kuno mahiluna ang atong kasingkasing “kung di kini magpauraray sa Ginoo. Walay usa kanato nagkinabuhi alang sa kaugalingon. Pero daghan kanato ang dili nagahimo ana, manipis ra ang pitaka, maguol na.”

Ang tinuod nga kalipay, sumala pa, naa sa Ginoo. “In the Lord, mao atong tinuod nga security.”

Sa iyang reunion sa mga amigo nakapangutana siya sa iyang kaugalingon: “Kung wala pako nagpari, malipayon ba kaha ko sa akong kinabuhi? Apan, pasalamat ako sa gasa sa pagtoo. Kung minyo man, ang pagka bana o asawa diha sa pag atiman sa mga anak mao ang tingog sa Ginoo.”

“Buhi man ug patay alang kita sa Ginoo. Ang angels man ang emissaries sa Diyos. Karong Dominggo, iyang ihunghong nato kung kinsa ang Diyos ug ang atong kasayuran,” sumala niya.

“Kung ang atong Ginoo maka-gets niana, mas kusog and atong katilingban. Ang Ginoo maloloy-on, dugay nga masuko.” (The Lord is merciful, rich in kindness). Kung ang imong bana hapit na nimo hiluan, ayaw’g kalimti ang Ginoo rich in kindness. Kung makabantay ta ana, ang atong pagtoo murag mulawman. Dayga ang Ginoo, kalag ko ug ang tibuok niyang kaugalingon,” dugang niya.

Sa Ebanghelyo, nangutana si San Pedro kang Hesus, kapila ba kami makapasaylo? “Kabalo na ta sa tubag. In other words, kanang makapasayloon makahimo kanato nga Diosnon — Godly character. Therefore, ang atong pagkaparokya, malig-on — rich in mercy, dugay masuko, malig-on ang atong katilingban.

Ang Ginoo mipapas sa sala. “We are slowly discovering it that creation is another manifestation of the mercy and goodness of God. Ang kinaiyahan dugay’ng masuko, ug karon napuno na. Angay kita mangayo ug pasaylo sa kinaiyahan nga mao ang buhat sa Diyos. Sige ang Ginoo sa pagpakita nato pinaagi niining mga butanga.”

Panapos niya, ang tanan angay magpasalamat sa gasa sa pagtoo nga gikan sa Diyos.”

Viva, Sr. San Miguel!