Pag-ampo alang sa MSPC XVI

Pangulo:
Makagagahum ug buhi nga Dios,
nagasimba kami Kanimo sa tanang gutlo sa among kinabuhi.
Ikaw ang tinubdan sa tanang maayong gasa nga anaa kanamo ug nga mao kami.

Sa pagtigom Nimo sa Imong Simbahan sa Mindanao-Sulu alang sa ika-dies y sais nga Mindanao-Sulu Pastoral Conference, gipadayag Mo kanamo ang Imong presensiya sa among taliwala.

Pangulo:
Ginoong Hesukristo, umari Ka ug tabangi kami niining maong komperensya
alang sa katukuran sa Gingharian sa Dios.

Tanan: Ginoo, dungga ang Imong katawhan.

Pangulo:
Ginoong Hesukristo, giyahi kami sa dalan sa tinud-anay nga pagdumala sa panon
nga Imong gitugyan sa among pag-amoma.

Tanan: Ginoo, dungga ang Imong katawhan.

Pangulo:
Ginoong Hesukristo, tudloi kami sa pag-alagad sa tanang katawhan sa Mindanao ug Sulu pinaagi sa pagsaksi sa among kinabuhi.

Tanan: Ginoo, dungga ang Imong katawhan.

Pangulo:
Ginoong Hesukristo, dasiga kami pag-ayo sa pagtrabaho alang sa kalinaw ug hustisya, sa pagpauswag sa diyalogo tali sa ubang mga pagtoo, ug sa pagdugang sa among mga paningkamot diha sa among pag-alagad sa mga lumad.

Tanan: Ginoo, dungga ang Imong katawhan.

Pangulo:
Ihuyop ngari kanamo ang Imong Balaang Espiritu aron mamahimo kaming katawhan nga lig-on diha sa pagtoo, puno sa paglaum, ug buhi sa paghigugma.

Kini among gipangayo pinaagi sa among Ginoong Hesukristo Imong Anak, uban sa pangama sa Bulahang Birhen Maria, ug sa lamdag sa Espiritu Santo, karon ug hangtud sa kahangturan.

Tanan: Amen.