MSPC: Mensahe ni Arsobispo Romulo G. Valles, D.D.

Maayong adlaw sa tanan!

Ania na usab ako magpadayag kaninyo nga sa akong dakong kalipay ug pangandoy nga maayo gayud natong pagdawat og pag host sa MSPC karong bulan sa Oktobre nga magsugod sa Oktobre 16 sa Waterfront Insular Hotel. Dakung responsibilidad kini, dakung gasa kini nga kita maoy mudawat sa maong dakong hitabo pastoral diha sa atong Simbahan.

Una, nga kitang tanan mag ampo gayud ug mangaliya nga kini magmalampuson gayud.

Ikaduha, unta kamo diha maghisgut hisgot bahin niini, mag usisa kung unsa kini alang sa iyang tuyo alang sa kinabuhi sa Simbahan sa Mindanao.

Ikatulo, nga kini ang importante usab, nga ang matag usa gikan sa mga kaparian, leaders, yanong mga pamilya nga unta naay ikapaambit, ikahinabang aron magmalampuson kining MSPC.

Usa ka butang nga akong ipahinumdom kaninyo niining gutlua, nga ayaw kalimti nga ang una niining talagsaon nga lihok sa Mindanao gihimo diri sa Arkidayosis sa Dabaw. Busa usa kini ka dakung dungog nga ang ikaduha, pahitaboon na dinhi sa Archdiocese sa Davao.