Batan-on: buhing timaan sa pagtoo

Ampo. Dula. Istorya. “It was a blast of faith!” Mao ang naingon sa usa ka batan-on nga si Roger Buot. Siya usa lamang sa natandog sa aktibidad nga gipahigayon sa mga batan-on sa Our Mother of Perpetual Help Parish, Bajada Davao City.

Nahimutang man sa syudad apan wala kini nahimong babag sa pag-abli sa pinakaunang Zonal Youth Day nga gipahigayon sa San Miguel Chapel sa wala pa natapos bulan sa Agosto, 1-8pm. Gitambongan ug sobra 45 ka mga batan-on gikan sa Gagmay’ng Kristohanong Katilingban (GKK) sa Baressa, Birsaba, San Miguel ug Sta. Maria, ang maong aktibidad gisugdan ug usa ka Getting to Know You Activity kon GTKY (for setting the mood), dayon nisunod ang opening liturgy, orientation, ug grouping para sa dula nga “Amazing Race.” Aduna pud ubang batan-on nga niapil sa quizbowl. Pagkahuman sa mga dula nisunod ang topiko mahitungod sa tema nga “IGNITE,” nga gihatag ni Brother Dennis , usa ka seminarian gikan sa Redemptorist Community. Pagkahuman nisunod ang Santos nga Misa gipanguluhan sa Kura Paruko Rev. Fr. James Philip Narisma, C.S.S.R.

Sa gabii naghimo ug pasundayag ang matag GKK, dayon praise and worship. Unya awardings sa mga nidaog ug gitapos sa usa ka pagpasalamat. Gipahigayon kini sumala pa sa usa ka organizer Jonas Lamberte, “ang purpose gyud niini is to unite ang mga zonal youth members. Strengthen their faith and to invite and encourage more youth na mag-active.”

Kining maong zonal youth day gi-organisa sa Local Coordinating Team (LCT) ug Davao Redemptorist Youth Mission Team kon DRYM Team karong tuiga lamang. Musunod ang sa Zone 2 nga gilangkuban sa GKK Spring Valley, Maglana, Sandawa, LopzCom ug Ladislawa.