World day against human trafficking gipahiyagayon

Gisaulug sa tibuok kalibutan niadtung miaging adlaw ang world day against trafficking in persons arun maprotektahan ug pahimangnuan ang katawhan nga mag binantayon aron dili mabiktima sa mapahimuslanong indibdwal. Adunay gipahigayong programa sa dakbayan sa Davao ang Inter Agency Council Against Trafficking in Persons Region Eleven kon IACAT-XI ang maong grupo gilangkuban sa Department of Social Welfare and Development (DSWD), Department of Interior and Local Government (DILG), Department Of Justice (DOJ), ug uban pang nagkadaiyang ahensya sa Gobyerno.

Sumala ni Mercedita Jabagat, DSWD Region XI Director, nga usa ka mahinungdanun ang pagbantay sa katawhan, ug maayong mag mata sa kamatuoran nga adunay daghang dautang tao nga magpahimulos sa isig kaingun, hinungdan nga nakigtambayayong na sila sa nagkadaiyang ahensya sa gobyerno arun masulbad ang maong suliran. “Akong mensahe sa katawhan para dili mabiktima ang mga tao labi na ang kababainhan, nga kinahanglan, dapat klaro ang pag recruit, ang documento accredited siya sa Department of Labor and Employment (DOLE), mangutana gyud sila sa DOLE, kung legal ba ning recruiting agency nga muadtu, ug ang minor (18 below) dili pwede magtrabaho,” sigun sa opisyal.

Gikabutyag usab ni Alma Acera, ang information officer sa DSWD sa rehiyon onse, aduna na silay na rescue nga nabiktima sa human trafficking nga mikabat sa 552, ug gilauman nga daghan pa ang nabiktima sa maong suliran ang wala misumbong tungud sa pipila ka kakulian.

Sumala pa nga walay gipili ang mga trafficker sa biktimahon, babae man o lalaki sumala pa nga 80 porciento kababaihan ug 50 porciento niini mga menorde edad. Dugang niini kung naka sinati ug prostitusyon, pornograpiya o uban pang porma sa sekswal nga pagpahimulos, pinugos nga pag trabaho o serbisyo, pag ulipon, pinugos nga pag alagad, pagtanggal o pagbaligya sa parte sa lawas, paggamit sa bata sa armadong kalihukan, paggamit sa bata sa iligal nga gimbuluhaton lakip na ang produksyun o pagbaligya sa iligal nga druga.

Samtang sa maong programa gipasidunggan sa Inter-Agency Council Against Trafficking in persons region eleven ang barangay zone 2 ug zone 3 sa Digos City, Davao del Sur, Barangay 76-A ug Barangay Mandug, Davao City tungud sa pag mugna ug Barangay anti-trafficking task force arun nga motabang sa pagbantay sa katawhan nga dili na mailad pa sa mga human trafficker.