Una kitang gipili ug gihigugma

Sa Ika-67 nga kapistahan sa The Most Sacred Heart Parish Calinan niadtong Agosto 4, miingon ang atong Arsobispo Romulo G. Valles D.D. sa magtotoo, “kamo balaang katawhan ug iya kamo sa Ginoo.” Kining mga pulong iyang gipasabot nga pagkaanindot nga kita gipili sa Ginoo. Iya kining gisumpayan gikan sa mga pulong ni San Pablo sa ikaduhang pagbasa nga nagkanayon, “gihigugma kita sa Diyos.” Diha diha miingon siya nga kining maong pagpili ug paghigugma gihimo na una pa man nato nasinati.

Iyahang gisaysay nga, “ang pagtuo usa ka response nato sa atong nabati ug nakita sa daghang mga paagi ang pagpangga ug pag-atiman kanato sa Ginoo diha sa iyang balaang kasing kasing.

Gani iyang nasibya nga sa pagkakita niya sa dakong debosyon sa usa ka inahan, nasinati niya ang usa ka pagtuong naangkon. Nagpadayon siya sa pag-ingon nga, “ang kinabuhi sa tawo di mamao, mahusto ug mahingpit kung wala ang Ginoo. Tungod niining pagtuo nga kita pinili, hinigugma ug pinangga sa labaw’ng Makakagahum, naghatag kinig confidence ug kalig-on bisan pa sa pagsulay.”

Nagpadayon siya sa pag-ingon nga iampo ang mga kaparian nga sila makabaton sa sagradong kasingkasing usab sa atong Ginoo. Ug sa mga katawhan iyang giingnan nga “kitang nagpista karon importante nato ang pag-ila sa mahal nga kasing kasing ni Hesus. “Ug atong labing makit-an ug labing masabtan, ang The Most Sacred Heart of Jesus pinaagi aning Eyukaristiya. That heart, the heart of mercy and compassion, ug masinabtanon sa tawhanong kahimtang. Who among us ang walay kahingawa? Today is the assurance that we are loved by God,” matod niya.

Ug nagpahinumdum siya sa tanan, “Let the eyes of our heart see the presence of God in our everyday lives. Even if joys and sorrows are there. Mao nga niining pistaha karon dili gyud ko mahadlok tungod kay pinalangga ako sa Ginoo. Bag-ohon ko ang akong pagsalig diha sa mahal nga kasingkasing ni Hesus”.