Team building ug R&R gipahigayon sa OMPH

Uban sa temang “Team Building and Commitment”, maundanon, malipayon ug malampuson ang gihimong team building ug Rest and Relaxation sa Our Mother of Perpetual Help Parish. Gisalmutan ug 42 ka partisipante gikan sa mga Pangulo sa Katilingban (PSK) ug Social Communications (SoCCom) nga mga miyembro sa maong parokya, gihimo ang maong aktibidad sa Jaca Spring Resort, Matina Pangi August 6, sa 9:00 sa buntag.

Si Brother Eric Sevencruz, usa ka seminarista sa Congregation of the Most Holy Redeemer maoy nahimong tigpasayon sa maong team building. Bisan sa init nga panahon nagpahigayon ang exercises nga nakahatag ug kakulba, kaabtik sa mga partisipante tungod kay nag-huna huna na sila sa posibleng ipangutana o ipahimo sa ilang grupo. “Daghang mga basics ang nalimtan nila,” matod pa ni Brother Eric Sevencruz.

Nihatag sa iyang obserbasyon si Brod Eric. Human sa iyang obserbasyon gihatag dayon niya ang iyang unom (6) ka puntos sa maong activity uban sa panapos nga pahinumdum nga, “Ang Ginoo ang nagbuot nga makadaog mi sa pagboto sa mga tawo namo tungod kay usa ka tawag ang pagpangalagad.” (Marietta Comighud | SoCCom OMPH)