Redbook Orientation Gipahigayon alang sa dugang kahibalo

Ang Bikaryato sa St. James nagpahigayon ug Redbook Orientation (Pastoral Catechetical Primer on the Sacraments) niadtong Agosto 12, sa alas 8:30 sa buntag hangtod alas 12 sa udto. Kini gipahigayon sa Phil. Nikkie Jin Kai Audio Visual Room (PNJK-AVR), Damosa Lanang, Davao City.

Kapin 50 sa mitambong, gilangkuban kini sa mga Parish Ministry Coordinator, mga PSK ug mga Kura Paroko sa 4 ka parokya nga sakop sa maong bikaryato. Ang parokya sa St. James, Bunawan, St. Francis Xavier, Tibungco, San Miguel Parish, Panacan ug ang host parish nga mao ang St. Francis of Assisi, La Verna.

Si Rev. Fr. Junar dela Victoria, kura paroko sa St. Francis of Assisi, La Verna ang mihatag sa maong orientation. Gisaysay ni Fr. Junar ang kamahinungdanon nganong namugna kining maong libro. Matud pa niya, “…it took them 3 years sa paghashas niining maong primer,” diin una kini gi launch niadtong Marso 13, 2017. Importante kining mahibal-an sa tanang mga naglihok sa katilingban aron kung adunay mga pangutana ang mga myembro, kini matubag ug maggiyahan usab sila kung unsay maayo nilang paga buhaton. (Sylvia Gamaya Orbeta | SoCCom SFAP)