Mga PSKB nga andam na usab muhatag sa natural family training sa ilang tagsa tagsa nga parokya.
Pagtuon sa Billings Ovulation Method nagapadayon
Mga PSKB nga andam na usab muhatag sa natural family training sa ilang tagsa tagsa nga parokya.
Nagpasalamat ang Family and Life Apostolate Director nga si Fr. Orlando Angelia sa mga kura paroko sa pagilang Pangulo sa Kristohanong Banay (PSKB) ug FLA workers nga gikan sa San Pablo Parish, San Isidro Labrador Parish (Catalunan Grande), St. Joseph the Worker Parish, Our Mother of Perpetual Help Parish, St. Francis of Assisi (La Verna), St. John the Baptist Parish, Mary Help of Christians Parish, Our Lady of Lourdes Parish, ug Immaculate Conception Parish, Peñaplata.
Ang katuyoan niining NFP-BOM Training nga pagahimuon matag ika-tulong Sabado mao ang pagtudlo ug pagdasig sa mga partisipante nga mopraktis og natural nga pamaagi sa pagplano sa pamilya subay sa natural nga proseso sa lawas. Gipanghinaut usab nga itudlo kini nila sa ilang tagsa-tagsa ka parokya.
Ang Billings Ovulation Method usa ka pamaagi sa pagplano sa pamilya, nga dili kinahanglang pugngan ug babagan ang pagpanamkon, hinuon mutuman sa giplano sa Dios alang sa mga kinabuhing minyo.
Sa pagtapos sa maong kalihukan, adunay usa ka magtiayon nga mihukom sa pag-undang sa ilang gihimo nga pagpugong sa dili pagbuntis. Usa ka magtiayon sab ang nagpatangtang sa “device” nga ilang gigamit sa pagpugong. Silang tanan midawat sa gasa sa kinabuhi ug isalig kini sa Ginoo. (Amie Desquitado | SJWP SoCCom)
No Comments