Liga ng Parokya sa SFDA Tagakpan gipahigayon

Ang JMY kon Joseph Marello Youth sa San Francisco De Asis Parish kasamtangang ngpahigayon og Liga ng Parokya. Ang maong liga gisugdan niadtong Agosto 12.

Ang Liga ng Parokya pagahimuon lamang matag sabado ug domingo hangtud sa umaabot sa kapistahan ni San Francisco de Asis sa Oktubre 4.

Kini gisalmutan sa mga aktibo nga mga batan-on, Marellos kon Altar Servers ug Marelletes kon gift bearers sa matag GKK nga gilangkuban s parokya.

Tumong niini nga magkahimamat ang mga batan-on, mga Marellos ug Marelletes sa matag GKK, alang sa preparasyon sa umaabot nga kapistahan ug mapalambo dili lang ang ilang sportsmanship apan apil na kalambuan sa ilang debosyon kang San Francisco de Asis.

Ang mga dula sa Liga ng Parokya mao ang basketball alang sa mga batan-on nga mga lalaki, ug volleyball alang sa mga batan-on nga babae.

Gibutyag usab ni Fryde Ayno, bise president sa JMY-PSB nga unta ipakita sa tanang nangapil sa liga ang ilang sportsmanship ug mapalig-on pa ang oneness sa matag GKK isip usa ka team”. (Frelyn Torreon, SFDA SoCCom)