“Healthy Diet, Gawing Habit For Life”

Nutrition Month sa Women’s Federation sa Barangay Malabog Gisaulog

Nagmalampuson ang tinuig na Nutrition Month Celebration sa mga pederasyon sa kababayenhan sa Barangay Malabog, covered court niadtong Hulyo 21, 10:30 sa buntag hangtod sa 4:00 sa hapon. Gilangkuban kini sa 19 active chapters diin adunay 161 ka mga miyembro inubanan sa tema: Healthy Diet, Gawing Habit For Life. Misalmot usab ang staff sa city councilor, mga barangay kagawad nga sila Noel Edaño, Onio de Asis ug Areja, ug mga Paquibato pulis nga maoy nihukom sa table display ug cooking contest. Sa table display ang nidaog mao ang Cabonbon Chapter ug ang Quarry Chapter sa “Best Law-oy” na contest. Human gisunod ang parlor games ug pa-raffle sa mga items nga gikan sa mga city councilors sa Dabaw. Ang barangay council uban ni kapitan Jessie Candia Areja naghatag ug 5% gikan sa Gender and Development (GAD) budget alang sa women’s federation activities.

Matod pa sa Federation President Sally Carlos, siya nagmalipayon na nagmalampuson ang maong aktibidad. Nanghinaot usab siya nga ipadayon ang pagsuporta sa kalihokan. Nagmando ang CSSDO Head Worker sa Paquibato Cora Eborde nga ipadayon ang pagkaon sa mga gulay, prutas, isda ug likayan na ang paggamit sa mga seasonings, soft drinks, junk foods. Pinaagi niini mulungtad ang atong kinabuhi tungod sa makanunayong pagkaon sa healthy foods. (Imelda Cajera Overiz | SRP Malabog SoCCom)