GKK SoCCom sa Tagakpan gipadala

Gipahigayon sa San Francisco De Asis Parish, Tagakpan ang commissioning sa 28 ka bag-ong miyembro sa GKK Social Communications Committee niadtong Hulyo 2, diha sulod sa pagpahigayon sa unang Misa.

Gisugat sila sa palakpak sa mga parokyano human sila pormal nga gipadala sa ilang Kura Paroko Rev. Fr. Peter Fancubila, OSJ kung kinsa maoy nangulo sa maong misa ug pagpadala.

Matod pa ni Fr. Fancubila ang pagka miyembro sa SoCCom bitbit ang dakong responsibilidad alang sa pagpakaylap sa Maayong Balita. Sila usab responsable sa pagpahibalo sa mga panghitabo sulod og gawas sa simbahan.

Malipayong gidawat sa tanang mga bag-ong myembro ang maong responsibilidad. Nanghinaut sila sa suporta dili lamang sa ilang kura paroko ug tanang lideres sa parokya, apan ilabina sa tanang parokyano niini. (Charlou Daguplo | SFDA SoCCom)