Evaluation sa pista, Inter Mirifica gihisgutan sa MOPH

Our Mother of Perpetual Help Parish

Ang mga Pangulo sa Katilingban ug Social Communications Committee nagtapok na sab alang sa binulang meeting niadtong Hulyo 2. Gipangunahan sa sona 2, 33 ka mga GKKs ang nagpadala sa ilang servant leaders.

Gihisgutan mao ang mosunod: 45th fiesta evaluation; schedules sa fiesta mass, paglimpyo sa simbahan, parish mass sponsoring, GKK mass sa Agosto, training sa bag-ong PSL, report sa treasurers kabahin sa Mortuary ug istado sa panudlanan, Rest and Recreation (R & R), ug SoCCom updates. Gitagad sab ang tanang birthday celebrators sa Hulyo. Positibo ang evaluation sa nahitabong pista ug nga daghan pud ang mga sugyot aron mas mapalambo pa kini sunod tuig.

Ang in-charge sa mga PSL nga si Inday Abapo nagpahibalo nga magsugod na ang recruitment sa mga aspirants pagka PSL sugod Hulyo hangtud Agosto. Ang training magsugod sa September 9 sa alas 7 sa gabii ug September 10, 8-4 sa hapon; regular training kada ikaduhang Sabado ug Dominggo sugod Oktobre hangtud sa Mayo 2018. Human sa ilang reflection i-send forth sila sulod sa misa sa alas 3 sa hapon.

Ang R&R sa Agosto na himoon atol sab sa monthly meeting. Adunay committees nga muandam niini aron hapsay ang dagan. Kalabot sa schedule mao ang “Inter Mirifica” karong Setyembre 2017 alang niining grupo.

Nagpaambit sad si Tata Comighud sa input nga gihatag kanila nga “Speech Communication on TV/Online TV” hinungdan nga nakaplano hinoon ang grupo nga magseminar pud ug “Public Speaking.”

Human sa meeting misunod ang update sa financial status sa grupo dayon giampoan, gikantahan ang tulo (3) ka mga birthday celebrants for July.

Lipay nga gisaluhan sa tanan ang dala nga mga pagkaon sa mga birthday celebrants. (Marieta Comighud | MOPH SoCCom)