Dinner for a cause sa La Verna gidugok

Nagmalampuson ang gipahigayon nga Dinner for a Cause sa St. Francis of Assisi Parish La Verna niadtong Hulyo 21, 2017 Friday sa Davao Convention Center, F. Torres St. Davao City.

Ang tumong sa maong fund raising aron makalikom ug pondo alang sa luna nga ginabayaran sa parokya nga diin nahimutang ang parish pastoral hall.

Ang maong benefit dinner gitambongan sab sa atong halangdon nga CBCP Pres. ug Archdiocese of Davao Bishop Most Rev. Bishop Romulo Valles, D.D.

Nahimong mabulokon ang maong kalihukan tungod sa mga local ug national singers nga mao sila si Mr. Darius Razon ug si Ms. Sabrina Orial, usa ka acoustic singer. Nipaambit usab sa ilang talento sa pagkanta ang atong singing priests nga mao sila Rev. Fr. Lando Mandreza, Rev. Fr. Russel Bantiles, Rev. Fr. Orly Angelia, Rev. Fr. Jovil Bonggay, ug si Msgr. Ed Labagala.

Wala pod gipakyas sa birthday celebrant nga si Fr. Junar dela Victoria, ang kura paroko sa maong parokya, ang iyang mga parokyano ug mga bisita niini kay iya usab gipaambit ang iyang talento sa pagkanta.

Matud pa ni Fr. Junar dli lamang sa simbahan magkahiusa ang mga parokyano kondili makita gihapon ang kahiusahan susama niining maong kalihukan. Mapasalamaton kaayo ang kura paroko sa mga parokyano, mga sponsors ug sa tanang mga naglihok aron kining maong kalihukan magmalampuson. (Sylvia Gamaya Orbeta | SFAP La Verna Soccom)