Virgen Dolorosa nakigduyog sa Tuig sa Parokya

Nagmalampuson ang pagduyog sa nasudnong selebrasyon sa “Tuig sa Parokya” ang Virgen Dolorosa Parish, Babak niadtong Hunyo 11.

Ang kalihokan gisugdan sa usa ka misa nga gipangunahan ni Fr. Mervin George Maglana. Dinhi gi-send forth usab ang mga GKK Servant Leaders sa Parokya.

Gipahimangnuan ni Fr. Mervin ang GSLs nga magsilbi untang modelo sila sa paghigugma sa katawhan ug sa kalibutan aron makabaton sa hingpit nga kalinaw.

Human sa misa misunod dayon ang blood letting activity. Dungan niini ang pagpadagan sa parlor games sa mga batan-on. Mapasalamaton si Fr. Maglana sa tanang komitiba ug sa tanan nga mitambong ug naghatag ug panahon sa kalihokan sa parokya.

Duyog sa Kasikas, ako si Junelda Jauod, iHERALD! (Junelda Jauod | VDP SoCCom)