Pista sa OMPH gipangandaman, GKK Free Fiesta Coverage giaward

Nag meeting ang mga Pangulo sa Katilingban ug SocCom alang sa bulan sa Hunyo sa Our Mother of Perpetual Help Parish. Kini tungod kay agendum mao man ang ika-45 nga tuig sa kapistahan sa among patron. “Mary, the mother of mercy of all generations” mao ang napiling tema karong tuiga.

Adunay mga visiting priests nga magsaulog sa fiesta novena mass kada adlaw. Ang Pontifical Mass ni Arsobispo Romulo G. Valles, DCD sa Fiesta Day sa Hunyo 25, alas 10 sa buntag. Apil sa plano nga makauban sa mga parokyano ang obispo sa programa, paniudto, ug awarding sa mga GKK Servant Leaders nga nakaserbisyo na ug 25 ka tuig pataas.

Gi-award usab sa meeting ang Certificate of Free Fiesta Coverage sa nakadaog nga GKK sa GSL Directory Making Contest nga mao ang Sta. Teresita GKK sa Buhangin. Human sa scheduling ug tasking, gipasidunggan dayon ang June birthday celebrators. (Marieta Comighud | OMPH SoCCom)