Pagsaulog sa Tuig sa Parokya sa San Nicolas de Tolentino giagi ug Medical ug Dental Mission

Ang parokya ni San Nicolas De Tolentino sa Boston, Davao Oriental, nagpahigayon og libreng serbisyong panglawas sama sa pagkonsulta sa nagkadaiyang lawasnong balatian (medical check-up), pagpaibot og ngipon (dental service), ug pagkonsulta sa problema sa mata (ophthalmology service), niadtong Hunyo.

Nikabat og 756 ka mga pasyente, bata ug tigulang nga gikan sa 28 ka Gagmay’ng Kristohanong Katilingban (GKK) sakop niining parokya ang nakabenipisyo sa maong libreng serbisyo.

Ang matag pasyente nga nakabenepisyo sa medical ug dental nakadawat sad ug mga tambal ug bitamina nga gireseta sa mga doctor. Ang mga pasyente sa pagkonsulta sa problema sa mata nakadawat pod ug libreng salamin.

Matud ni Fr. Orveil P. Andrade, kura paroko, “I believe that health is wealth, so, we have to take good care of our health as well as the health of other people. As such to care for the health is to value God’s given sacred life.” Ang maong aktibidad, dugang niya, simpleng tabang apan makita ang pagka maloloy-on sa Ginoo. “This is a relevant response to the local celebration of the Philippine Catholic Church’s “Year of the Parish”.

Sa katapusan, daku kaaayo ang pasalamat ni Fr. Andrade sa tanang mga nahimong kabahin sa kalampusan sa maong kalihokan sama sa KPK gipangulohan ni Bro. Noe T. Fanilag, PPC gipangulohan ni Bro. Melvin R. Castillones, Parish Finance Committee nga gipangulohan ni Bro. Robert V. Marquez, local rescue team, PNP, Philippine Army, mga apostolado, MCKS Heart Caring Foundation, Inc. gipangulohan ni Madam Donna Bigcas RN, medical team ug sa tanang mga volunteers. Gipasalamatan sab ang mga medical personnel nga sila Dr. Ariel G. Maghari, Dr. Melinda R. Maduay, Dr. Petra D. Japos, Dr. Amie Lyn D. Pamplona-Masecampo, Dr. Rosalia M. Baldoza, Dr. Liza V. Batumalake, Dr. Ceniza L. Torres, ug Dr. Kamehameha A. Clomera. Kabahin usab sa dakung kalampusan mao ang mga medisina ug bitamina gikan sa MCKS Heart Caring Foundation, Inc. ug sa Saint Camillus Hospital. (Randy Simon Osiba | Mati)