Nindot nga sanktwaryo, dasig nga katilingban

Excerpts from the homily | June 11, 2017
San Miguel Parish’s 23rd Founding Anniversary

Sa pagpangandam sa Simbahan sa Pilipinas sa ika-500 ka tuig nga pag-abot sa Kristiyanismo dinhi, ang 2017 gitugyan alang sa Tuig sa Parokya. Niadtong Dominggo, gisaulog kini sa mga parokya sa tibuok nasud. Misa, pakaon, padula ug pagpasidungog sa mga GKK servant leaders ang kasagarang unod sa mga programa.

Sa San Miguel Parish Panacan, pinasahi ang pagsaulog tungod kay gitunong sa maong adlaw ang ika-23 nga pagkatukod sa parokya. Kabahin niini mao ang pagbendita sa mga simbolo sa pagka anaa ni Kristo sa Eyukaristiya. Kini mao ang tabernakulo, lectern, lingkuranan sa presider, ug altar table. Sa paghinumdum sa opisyal nga pagkatukod sa parokya, ang pagbendisyon gipasabot usa ni Arsobispo Romulo G. Valles, D.D. una pa man nagsugod ang Misa niadtong Dominggo. Sa susamang adlaw, gisaulog pud sa tibuok kalibutan ang “Solemnidad sa Santisima Trinidad.”

Pinaagi sa tabang sa mga parokyano ug suhestiyon sa building commission sa Arkidayosis sa Dabaw, gibag-o ang sanktwaryo sa parokya nga nakapa inspire pa sa mga magtotoo. “Ipadayon ang buhi ug pagka matuohon,” saysay niya. Kung unsa, matud pa, kanindot ang simbahan, ing ato sab unta kabuhi ang katawhan. Ug kini nakit-an sa Parokya sa San Miguel.

“Ang misyon sa Simbahan dili weather-weather lang,” matud niya. “Daghang krisis apan naay Diyos sa kanunay nga kanunay nagapangga. This is a church believing in God!”

Gihagit niya ang mga hamtong nga “palanggaon ang batan-on. They will be the future generation. Apil na sa atong misyon, to hand on the faith. Ang atong pagpuyo unta TRINITARIAN pud, Diosnon pud.”

Sa katapusan, ang matag usa giingnan ni Yanong Muloy nga hinuduman nga “ang gugma sa Diyos handumanan sa tawo… God does not get tired of us, ang atong pagtoo is truly strong in the memory of Jesus.” (Dolly Fernandez | SMP SoCCom)