Mga miyembro sa ministriya sa parokya sa Tagakpan, gipadala

Nakigduyog ang San Francisco de Asis Parish sa pagsaulog sa tuig sa parokya, gahapon, Hunyo 11. Ang maong kalihukan gisalmotan sa mga GKK leaders sa parokya. Kini gisugdan pinaagi sa pagsaulog sa Santos nga Misa nga gipangulohan ni Rev. Fr. Peter Fancubila, OSJ, Parish Priest. Atol sa selebrasyon, gipadala usab ang mga miyembro sa nagkalain-laing mga ministriya sa parokya.

Sulod sa misa, gi-halad sa mga PSK ang GKK Registry. Kini mao ang timaan nga ang tanang miyembro sa GKK gihalad ang ilang kaugalingon diha sa ilang pag-alagad sa Ginoo pinaagi sa ilang pagserbisyo sa ilang tagsa-tagsa ka mga GKK ug diha sa parokya.

Pagkahuman sa santos nga misa, gipahigayon ang libreng bunyag sa kapin 195 ka mga bata edad 10 months hangtod 12 years old. Ang pag-administer sa sakramento sa bunyag gipangulohan ni Fr. Peter, dinuyogan ni Fr. Lito ug Rev. Francis.

Dayon, gisugdan na ang unang bahin sa programa, kung diin gipasundayag sa mga piniling miyembro sa Joseph Marello Youth ang ilang talento sa pagsayaw, pinaagi sa ilang Doxology prayer.

Dayon, gipahigayon na ang pagpadala ug pagkomisyon sa mga miyembro sa mga managlahing ministria sa parokya sama sa PSK, PSA, LCCP, PSKB, ug PSPB. Nagpicture taking usab ang tanang miyembro pagkatapos sa sending forth ceremony.

Matud pa ni Rizzel Daya, usa sa mga gipadala nga lectors and commentators, malipayon gayud siya nga siya gipadala aron pagpadayag sa maayong balita sa Ginoo. Nalipay siya nga makaserbisyo aron makatabang sa paglambo sa parokya.

Natapos ang sending forth and commissioning ceremony nga adunay kusgan nga determinasyon ang matag miyembro sa ministriya diha sa ilang pag-alagad sa Ginoo.

Ang sending forth ug commissioning ceremony gipahigayon subay sa pagsaulog sa tuig sa parokya. (Frelyn Torreon | SFDA-SoCCom)