GSL sa Calinan gihagit magpuyo sa kahiusahan

Kapin sa 1,000 nga mga GKK Servant Leaders (GSL) sa The Most Sacred Heart of Jesus Parish sa Calinan inubanan sa mga kaparian og kamadrehan ang mitambong sa Parish Day niadtong Hunyo 11 sa Holy Cross College of Calinan gym.

Gisugdan ang selebrasyon sa Santos nga Misa nga giselebrar ni Fr. Arnel Tadeo uban sa iyang Assistant Parish Priest Fr. Raul Nieves.

Human sa misa, gisunod ang mga parlor games nga nakapasuod sa matag usa. Makita sa maong aktibidad nga sa matag grupo adunay pagtinabangay, panaghiusa ug partisipasyon. Dayon gisunod ang salo-salo sa paniudto.

Gitapos ang Parish Day sa pagpabilin sa usa ka hagit sa pagpuyo nga adunay kahiusahan gikan sa pagpamahayag nga gihatag ni Rev. Fr. Erwin Torres nga nagpalawom sa tema sa Tuig sa Parokya, “The Parish, The Communion of Communities.” (Merlinda Angga Elminero | PSP Coordinator, TMSHJP)